وصية الرياحي لأبنه بدر

بسم الله الرحمن الرحيم
السلام عليكم ورحمة الله وبركاته.. اخواني اعضا وزوار هذا الصرح الشامخ
اليكم هذه الدره التي اتمنى ان تحوز على رضاكم وتعم الفائده منها وهي من درر الشاعر/ فيصل بن منصور الرياحي اسكنه الله فسيح جناته


يابدر ابا اوصيك والناس يوحـون
وازعل عليك اما نقلـت البطولـه

انته من الي فالمواقـف يمـارون
وانشد عنك ايقال لك مـن حمولـه

ماينهدم بيت(ن) على ساس وركون
صبت حديد الصلب عرضه وطوله

اوصيك قل منصاي بالهرج موزون
وهرج القفا والكذب حـذرا تقولـه

الهرجه الي كلها خرص وضنـون
سبب عـذاب الله وسبـب نزولـه

كلمة حصل يمكن وكلمة يقولـون
ماهيب عن ربي ولا عن رسولـه

للضلم سيف وله مخاليب وسنـون
راعيه تبـرك فالمضامـي ذلولـه

ذنب يصيب الناس من غير يدرون
يطرح ردي الخرص ما صك حوله

كب النميمه قسـم نـاس ينمـون
اعروق اللسنتهم للكـلام امحلولـه

واجلس مع العقال مهمـا يكونـون
اللي لهم بالطيب صولـه وجولـه

وابعد عن اللي فالمجالس يبابـون
يضحك لهم شيطانهـم وضحكولـه

عن هرجة العقل الثمينه يصـدون
واليا تكلـم جاهـل(ن) صفقولـه

ترى الرجـال يميـزون ويحلـون
وانسمعوا الهرج الصواب انصتوله

والرجل بين المدح واللي يذمـون
واليا نجح كل الجميـع اشهدولـه

خلك شجيع (ن) كنك السيف مسنون
من هيبته ما ترفع الـروس حولـه

الم ترى ان السيف بالنصر مقرون
تعتز بـه دولـه وتنـزال دولـه

وابذل كرم يمناك للـي يعرفـون
قدر الكـرم ويبادلـون افحصولـه

واللي لهم حق مع الفرض مقـرون
امك وابـوك وخالـك ابماتنولـه

وجدك وعمك فيك دايـم يضنـون
ابذل لهم مجهود لـو مـا سعولـه

وجدتك واختك عقلهن فيك مشطون
احذر تجي نفسك عليهـن ملولـه

ترحم برحمة من تحت يدك يمشون
والله يجازي بالعمـل مـن بنولـه

وراقب وليك ربك امكون الكـون
الفرض صله واجتهد فـي قبولـه




رحمك الله يابا بدر

منقول للأمانه