يـاصــاحـبي - كـتـابـيـة وصـوتـيـة

أحبتي أعضاء وزوار المجالس .. ورحمة الله وبركاته

المتواضعة التالية .. كان لها شرف التواجد ضمن قصائد المسابقة

لشهر صفر .. ولأن ولادتهـا كانت من خلال المجـالس .. لذلك رأيت

أن أتواصل معكم من خلالها .. علها ترتقي لذائقتم .. فترقى معها ..

لسانها هذلي .. ولباسها بدوي .. الأنا فيها للدفاع عن الذات وليست

للنرجسية .. لأنها وليدة موقف .. والدفاع النفس حق مشروع ..


يــا صاحــبي
[poem=font="simplified arabic,5,#00008b,bold,normal" bkcolor="" bkimage="" border="none,1," type=2 line=0 align=center use=ex num="0,"]
يا صاحبي ما هزّنـي كـل طـاروق=نفسـي مروّضهـا توافـق مـرادي

لو تشتعل في خافقي جمرة الشـوق =لبسي الكرامه .. عزّة النفـس زادي

ولو هلّت الدّمعة من اللحظ و المـوق=حلفت ما اتبع كل مقفـي و غـادي

أحيا و يحضني الثرى وهامتي فـوق=مـا تنحنـي إلاّ لــرب العـبـادي

وافي مع الوافين واكره هـل البـوق=واشب ناري مـن شـرارة زنـادي

في ساحة اهل الطّيب ماني بمسبـوق=خيلـي رسنهـا مجَـوّده بالأيـادي

أسري بِلَيْلي واسبق الشمس بِشْروق=لَجْلَ المكارم مـا غلبنـي الرقـادي

إهذيل ربعي للكـرم رعـد وبـروق=منزالهـم ويّـا الجـدي دوم بـادي

وإن هَبّت الهيجا تهادوا لهـا شـوق=هُمْ عون للمظلـوم سُقـم الأعـادي

ويا صاح حِنّا البدْو لو الثوب مشقوق=نلبـس أصيـلات القيـم والمبـادي

مِن ديننا نروي ضما اخلاق مخلـوق=ومن السلوم لنـا مطيـه وشِـدادي

للجار درع و للخوي نحفـظ حقـوق=ومنزالنا للضّيـف قصـراً مُشـادي

فكّاكة العانـي ليـا صـار موثـوق=في ساعة الضيقة نجيـب المنـادي

إلْيـا تكلّمنـا نَقُـلْ خيـر منطـوق=ولْيا سكتنـا صمتنـا غيـر عـادي

صمتاً بِهَ الحكمة بِهَ اللطف والـذوق=يرجـح لِياجـا للـكـلام انتـقـادي

وحب الوطن باجسادنـا دم بعـروق=متشربينـه منـذ سـن المـهـادي

ونكبر ويكبر لين طلعه غدا عـذوق=يجنيه درع وسيف وقت الحصـادي

وإن قلت انا وحِنّا فلا قصدي فـروق=والنعم باهـل الحاضـرة والبـوادي

ويا صاحبي عمرك مِثِلْ نبت زملوق=يقبل ويقفي نقـص بعـد ازديـادي

والمسعد اللي يقضي العمر مشفـوق=ويذخر مـن ايامـه ليـوم التنـادي

والمختصر للي سبق يا هَـلَ الـذوق=أختار امـوت ولا تمـوت المبـادي [/poem]
[flash=http://www.zshare.net/audio/56832576536ef523/]********************=300 ************************=250[/flash]
حـمـدي الهــذلــي