بدع ورد

يامحمد الدنيا غدت كذب وجحود *** صاحبك مما شاف جنت جنونه
نضحك نجامل بعض وقلوبنا سود ***ونفوسنا ماعـــــــاد فيــها مرونة
الود اشوفه بين الاصحاب مفــقود ***حتى الخوي ماعاد لك معه مونه
من زود همي شوف جسمي كما العود*** واحظي اللي وقف الحـــظ دونه
وانا من اللي يدعي الزود ويزود ***والزود لاهل الزود يستــــاهلونه
انا ادري ان شكواي لك مابها فود *** اشكــــــي على إللي ماتغمض عيونه
صاحبك ماله في السواليف مقصود *** لكن مماشاف جنـــــــت جنونه

الشاعر /تركي بن سلمان الحساني الهذلي



ياتركي الدنيا بها العمر محدود *** واللي تدين يب يســـــــــدد ديونه
اللي تقوله في هذا الوقت موجود ***لكن ماكل العـــــــــــرب يدركونه
دنياك مثل الحرب واخلاقك جنود *** وسلاحك البسمة وصبرك معونه
ياصاحبي ماتنفع حسوف ووجود ***لاتلتفت في اللي تقفي ضـــــــعونه
تزود لكن لايجي منــــك مـــنقود ***كلن وراســــــــه مرتفع من متونه
شكيت لي واسمع من الود مردود***دع كل شخص في حيــــاته وشونه
وان كان فكرك هكذا دوم محدود ***تب تصـــــبح بعقلك وتمسي بدونه


الشاعر /محمد بن حامد الحساني الهذلي