محاورة / شاعر الخليج و شاعر هذيل
محاورة / شاعر الخليج و شاعر هذيل
محمد المسعودي
يامرحبا والحفل حظـه يباريـه
واللي يجيب الطيبـه يشتريهـا
ان كان فيصل يعطي الحق راعيه
الكلمه اللـي قالهـا مانسيهـا
فيصل الرياحي
دام البقاء للحفل واللي حضر فيه
والطيبه مايدخـل الشـك فيهـا
بيني وبينك علم ماني بناسيـه
حجة شرع ماني بخايف عليهـا
محمد المسعودي
الفرض حان وطالب الله يصليه
الناس للخـلاق ترفـع يديهـا
مانته مسوي شي ما الله مسويه
ياقرب راس ام الرسن من يديها
فيصل الرياحي
اللي غدا له صقر باسمه يناديه
حي الصقور وحي من يغتذيهـا
بيني وبين هذيل بعض المشاريه
وام الرسـن ركابهـا يحتميهـا
محمد المسعودي
راع الغرض يسرح ويتعب ويمديه
وليا وصـل ميعادهـا يحتريهـا
العذر من مثلك على صدق يكفيه
لكـن قفـت والدهـر مقتفيهـا
فيصل الرياحي
خل المسافر يطلب الله ويعطيه
والعزوه اللي تعجبه يعتزيهـا
والله لاعوضك في كلام تغنيه
واهديلك اول منوة تمنتنيهـا
محمد المسعودي
بيني وبينك حق من عند قاضيه
واللي نطق له كلمة يحتميهـا
رحم الله الرياحي واطال الله في عمر محمد المسعودي
التوقيع |
سبحان الله وبحمده سبحان الله العظيم
سبحان الله الحمدلله لااله الاالله الله اكبر |
|