ماكل من يطرد الهقوات لاحقها
[poem=font="simplified arabic,5,#8b0000,normal,normal" bkcolor="" bkimage="" border="none,1," type=2 line=0 align=center use=ex num="0,"]
ياموعدي بعد صبر ايام وليالي=جيتك تسابقني الخطوه واسابقها
أحمل تباريح شوقي واحمل آمالي=كل المشاعر بدربي جيت سايقها
ياموعد الإنتظار اللي برا حالي=هالِك ظما في رجا الغيمه وبارقها
وقّفت لين إبتدا همي وغربالي=اطمن النفس بالأعذار الفّقها
وآخذ وارتب شماغي واوزن عقالي=وارجع على ساعتي واحسب دقايقها
تمضي عليّ الدقيقه واقف لحالي=ساعه وانا اكذّب ظنوني واصدّقها
واعوّد اقول فال الله ولافالي=وظنوني السود بالآمال افرّقها
فكرت في كل شي وجا على بالي=إلا إنه يضيّع الفرصه ويحرقها
لين إنتظرته دهر مدري يورّالي=واقفيت تخنقني العبرات واخنقها
وتسوقني خطوتي صوب الخلا الخالي=حتى وجوه البشر مانيب طايقها
يوم إستوى عندي اصحابي وعذالي=نفسي من الضيقه ادنى شي يضايقها
لوكان مانيب لا الأول ولا التالي=ماكل من يطرد الهقوات لاحقها
لكن مهما حصل يبقى هو الغالي=واصنع له اعذار مدري عن حقايقها[/poem]
التوقيع |
[frame="13 80"][poem=font="Traditional Arabic,5,#030000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يابو نايف طاحت ابراج التجاره=ماتصدق لو عرفت اللي دمرها
بعدما كانت من رموز الحضاره=إنتهت ماعاد باقي غير اثرها
زرتها لاعادها الله من زياره=يوم انا جاهل وغرتني صورها
مادريت إن الرجا فيها خساره=لين طاحت فوق راس اللي عمرها
علّم اللي مقصده يبني عماره=وإنصحه يترك حجرها في ديرها
لايورّد من حجارتها حجاره=مايعمّر في الديار إلا حجرها[/poem][/frame] |
|