سـفـيــر من دون ســـفــارهـ

[poem=font="arial,5,#000000,bold,normal" bkcolor="#ffffff" bkimage="" border="solid,5,#ff0000" type=1 line=0 align=center use=ex num="0,"]
انا سفير الشعر ميراسمعو زين = سفير مالي مكتب (ن)فاالسفاره
شاعر واغني ليل يا ليل ياعين= لادبلماسياً ولالي وزاره
عشت بدوى عند الغنم والبعارين = بعيد عن جواالترف والحضاره
والبيت شعبي كابس السقف با الطين = وسيارتي ددستن قديمه غماره
ومديلها بالضبط تسعه وسبعين = وقزازها مضلل وخلفي ستاره
واشوفها عندي تساوى ملايين = لو كان بعض احيان فيها حراره
امشيبها فاالخبت مابين ضلعين=واقنص وادورللقهد والوباره
واتابع الاخبار واخذ عناويين= ويحز في نفسي اطفال الحجاره
وادعي عسى ربي يحرر فلسطين= ونرجع الاقصى وناخذبثاره
الي توالوه اليهود الشياطين= تحفر في ساسه وتهدم جداره
وبسلاحها تمنع جميع المصلين= والي يصلي فوق راسه خفاره
واسمع خبرعاجل وفا الحال ذلحين = جيش التحالف دوب قايم ابغاره
هل القنابل فوق مسجد وبيتين = من شان رفع الصوت فوق المناره
واغيرالموجه ماودي خبر شين= واطيح في سوق الورق والتجاره
واليا المذيع يذيع وسط الميادين =السوق هذا اليوم كله خساره
واقول وش ذنب الضعوف المساكين = احقوقها تسلب بفن وشطاره
راحو ضحيه عند ناس(ن) مجانين = اسف هواميرن مافيهم نعاره
ياكم ناس(ن) من سببهم مدايين = كلاً على بابه مثبت خفاره
لاكن شرهتهم على اهل الموازين= والحـر يفهم ياعرب با الاشاره
وانا بدوى عند الغنم والبعارين = لادبلوماساً ولالي وزاره

[/poem]