حنا هذيل ومجدنا من قبل ميلاد المسيح ( ابو بندر )

السلام عليكم ورحمة الله وبركاته

انقل لكم هذه القصيدة للشاعر الشيخ / سعود بن هلال السعيدي الهذلي

والتي ألقاها في حفل زواج الشاب / حماد بن جابر السعيدي الهذلي

وستقوم ببثها قناة الساحه قريبا باذن الله

تفضلوا يالغالين واعذرونا على القصور

[poem=font="arial,5,#8b0000,normal,normal" bkcolor="" bkimage="" border="none,1," type=2 line=0 align=center use=ex num="1,#ff0000"]
سلام والدله على جمر الحطب قامت تفيح=يستاهل اللي يحمي الميقاف من فنجالها
اللي ليا منه ورد يارد على العد النضيح=اهل الفعول الطيبات اللي كرام سبالها
الله يجملنا على قول الكلام اللي صحيح=مثل الجمال اللي وفاها من وفا جمالها
الناس في خوض السوالف بعضها يمسي طريح=تشعب ركاب يتعب الطرقي وهو ما جالها
انا ادري ان الوقت له صورة جمال وله قبيح=والناس تطمح للمراجل والعلا باعمالها
بعض المواقف للعرب تذهب مثل هبات ريح=وبعض المواقف راسيهبالطيب مثل جبالها
والقاله اللي ماتجي للي حماها تستريح=اما تجيه مكمله ولا فلا يعنــــالها
حنا هذيل ومجدنا من قبل ميلاد المسيح=امجاد سطرها القلم في دقها وجلالها
يوم المعارك والغزو والحرب والصايح يصيح=ربعي لها الناموس والعليا بفعل رجالها
حنا هذيل اهل البلاغه والفصاحه بالفصيح=ساس الكرم والعز والتاريخ كل افعالها
اهل الجمال اللي تصدت يوم غزو المستبيح=قبيلة سجل لها التاريخ فعل جمالها
ان جات للامجاد نسرجها على المد البريح=نسرج خيول العز للطالات لين اننالها
وان كانها بالسلم تلقى الهيل بالدله يفيح=قبيلة تلقى الدلال مبهره في حلالها
سلام ياشيخا عجزت اوفيك حقك بالمديح=والنار من شبابها والخيل من خيالها
سلام يا حر ليا منه ضرب خصمه جريح=سلام يا شيخا نهض بالمرجله واشتالها
ياشيخنا ياشيخ ابو راكان يالعقل الرجيح=شيخا تعلى للنجوم المرقبات وطالها
سلام ياطيب الفعول اللي عبقها طيب شيح=مال الثقال الا الثقال اللي تشيل احمالها
سلام ياراع الفعول اللي لها الوصف المليح=الشيخه اللي جات له تسعى ولا يسعالها
سلام ياللي ما يهزك هرجة الوجه البجيح=اهل الردى اللي بالردى فال الله ولا فالها
ياشيخ نبني للعدا من دونكم قبر وضريح=لاهل العقول اللي كساها بالخبال خبالها
وسلام يادكتور عبدالله يابو الصدر الفسيح=عندك تحل المعضلات اللي جويد حبالها
سلام يادكتور يامثري لنا الشعر الفصيح=سلام ياباب الادب والمعرفه منهالها
سلام وانته قدها ماجتك من مصدر شحيح=لبست ثوب المرجله وشماغها وعقالها
وسلام ياربع توردها ليا ثار القديح=يالعزوه اللي سطر التاريخ فعل اجيالها[/poem]