يوميات مشاكس " 7 "

فاجأني صديقي مشاكس ذات يوم بسؤال عجيب وغريب

أبو شموخ ويش أحسن أنواع اليديمات >>> بدوي بكرتونه

أنا عن نفسي أكثر شي أحبها الملوخيه

لا ياأبو شموخ .أنت فهمتني غلط ..ياشيخ أنا أقصد اليديمات

هذي حقت الديسل

أهاااااا معليش يامشاكس والله فهمتك غلط ، بس والله ياليديمات

ماأفهم فيها أبداً ، أنا عندي سليطين الله لايحرمني منه هو المسؤول

عن المودم وبطاقة الاتصال وكل شي عنده

بس تعال ....أنت ويش تبي بالدي اس ال عسى جاكم التليفون في

الديره
أبشرك جا خلااااااااص واشترينا تليفون جديد

[img][/img]

ماشاء الله ...........على البركة والله

بس التلفيون ماينفع بدون كهربه ...لأن المودم مايشتغل الا على الكهربه

يووووووووووووه ياأبو شموخ ....ياولد طلع غبار من هرجتك

ياولد حنا لنا سبع سنين وحنا متكهربين

[img][/img]

ماشاء الله ........على البركة والله

تصدق توي دريت ..يمكن عشاني بعيد عنكم ومن يوم توظفت ماطبيت

[grade="00008B FF6347 008000 4B0082"]ديرتكم [/grade]

الله يذكرك بالخير ياأبو شموخ ...هيا معي

وين يامشاكس

أبروح لشركة الكهربه وأبشتكيهم ...تصدق إن عمود الإنارة اللي جنب

بيتنا له يومين خربان

[img][/img]

ماشاء الله .........وعواميد إنارة بعد


إيه وبعدها بنروح لشركة الإتصالات ...والله غربلونا وتعبونا

إيه هذي عاد مايبيلهم الا العين الحمرا ، وقلهم ترى حنا عرب واجد

وإن ماركبتم لنا برج أبنروح لموبايلي ....خلك شديد معهم


هههههههه ياأبو شموخ هم مركبين برج من زمااااااان عندنا في الديره

وهو الحين الحين مصدي ونبيهم يغيرونه ويجيبون واحد جديد

[img][/img]

ماشاء الله ...........ومصدي بعد

أبو شموخ ......أقول لك عمود مصدي وتقولي ماشاء الله

بلاك والله ماتدري يامشاكس

مأبغى أدري ياأبو شموخ .....بس عاد تصدق على طاري الشاكاوي

أمس [grade="4169E1 FF4500 008000 FF4500 8B0000"]كبارنا[/grade] تجمعوا وقرروا إنهم يروحون يشتكون في الأمارة

ليه يشتكون .عسى ماخلاف

أبد ياأبو شموخ ...بس حنا في الديرة ماعندنا حديقة وودنا بحديقه صغيره

وفيها العاب كهربائيه ...عشان يلعبون فيها ورعاننا

عسى بس ماسبقتمونا على هالفكرة ياأبو شموخ


ههههههههه ياخوي طلع عج وإعصار من هرجتك ...أنتم قديمين


أنت تعرف يامشاكس إن ديارنا أغلبها جبال[grade="4169E1 FF4500 008000 FF4500 8B0000"] فكبارنا [/grade]قرروا إنهم يروحون للأمارة

ويطالبون بتلفريك


[grade="00008B FF6347 008000 4B0082"]سيمفونية مشاكسية [/grade]

[poem=font="Arial,4,#00008b,bold,normal" bkcolor="" bkimage="" border="outset,4,#8b0000" type=0 line=0 align=center use=ex num="0,"]
على قدر أهل العزم تأتي العزائم = وتأتي على قدر الكرام المكارم

وتعظم في عين الصغير صغارها = وتصغر في عين العظيم العظائم[/poem]