هذا نصيبي

[poem=font="traditional arabic,4,,bold,normal" bkcolor="" bkimage="backgrounds/5.gif" border="double,2,#2e8b57" type=2 line=0 align=center use=ex num="0,"]

جيت المكان اللي رسومه محني
ياليت رجلي ماوطتـه ومشيتـه
ذكر علــــــي وخاطـري مرجهنـي
ماظـن تقفتـه الليـال ونسيتـــه
معالمــــــه عقـب البطـا يخلفنـي
ألا مكانن فيـه جانـي وجيتـــه
شفت الفياض اللي شماله يجنـي
وجيت الظليع اللي جنوبي بيتـه
وقفت بـــــه لين الدمـوع اذرفنـي
وقفيت مثل اللي دفن راس ميته
هاك المكان اللي ضحك فيه سني
جيته عقب طول الغياب ولقيتـه
يوم اجتمعنا والظروف اسمحني
دار الحديث وماطرا لـي بديتـه
فرصه عمـــر ماجت لنا بالتمنـي
احلى ليـال العمـر فيها قضيتـه
مع صاحـــــبٍ كنه بهرجـه يمنـي
قمت اسبقه بالسالفـه ماحتريتـه
سوالفـــــــه عـن الغـلا يوجعنـي
يقـول لاتتـــــــــرك محبـن بليتـه
قالت حرام اتضيع الحلـم منـي
وانت الفواد وماملكتــــــه خذيتـه
وراك تبطــي ياهوا البـال عنـي
مر الفراق اللي قســـــا ماقويتـه
ابا اتصبر والدمــــوع افضحنـي
والسد باح اللي علي امي كميته
قلت الصبر مطلوب منكم ومني
لاتهدم اللــــــــي بالمحـبـه بنيـتـه
كان الظروف اللي قسن يسمحني
والله لامـــــوت وحبكـم مامحيتـه
يمــــك هواجيس الغـرام ادفعنـي
امشي لكم طوعن علي مشتهيتـه
كم ليلتن منك العيـون اسهرنـي
غربلتنــــــي من دون ذنبـن جنيتـه
من عقب ماني بالحيـاه امتهنـي
وخذت من حلــــــو الزمان وعطيته
اليوم اعـدي بالطويلـه وغنــــــي
برضن خلا فيها الونس مالقيتـــــــه
اللي نبي عنـه الليــــال ابعدنـي
شان الزمان وماحصـــــل ماهقيتـه
ليت السنين اللي مظن يرجعنـي
ونعيش في ذكرى سجلــــن طويتـه
لاشـك ماينفـع كثيـــــــر التمنـي
مايرجع اللي راح لوقلــــــــــــت ليتـه
ابقتنع لوكـان جرحـــــــك غبنـي
هـذا نصيبـي بالحيـــــــــــاة ورضيتـه[/poem]






اخوكم / ضاوي الهذلي