يا شجرة أحلامي

أتمنى ان تروق لذائقتكم

[poem=font="arial,5,#00008b,bold,normal" bkcolor="" bkimage="" border="none,1," type=1 line=1 align=center use=ex num="0,"]
يا شجرة أحلامي أبقطف من غصونك اثمـرة=من قبل فأس الحزن لا يهوي علينـا بالهـداد
أخاف من صمتي و من بوحي و شعر اسطره=أخاف تهزمني طقوسي و العنـاد ابـو العنـاد
أخاف من دمعي ليا هطل / هطل منه احمـره=و انا اعرف ان ما عادها تنفعني أنسام البـراد
أخاف من ليلي يطول و انا ما اقـدر أسهـره=فيني أهازيـج و هتافـات المحبـة و الـوداد
فيني من الشوق أكثره / فيني من الوجد اكثـره=فيني من الحب أطهره / لو كان من خلف البعاد
هات ِ اثمرة .. من قبل عقلي لا تجيه البعثـرة=و أقيم لأحلامي عزا / و الشعر يعلنهـا حـداد
ماني من اللي لا بتـل درب ٍ يـدور أقصـره=أسج في درب العلا / تعجبني اخطـار الهـداد
هذا أنا يا عمر عمري يا عطـور و مبخـرة=ياللي غرورك به تواضع و إنحيازك لي حيـاد
ياللي معي / خـذي أصابيعـي ورود معطـرة=خذي كفوفي / مندلي دمع ٍ أشوفه فـي ازديـاد
خذي أحاسيسي / خذي شعري سحابة ممطـرة=تحيي بذور السعد في أرضك و يحيا هالفـؤاد
إنتـي بدايـات السعـادة و الشقـاوة المبهـرة=إنتي على شطك رست قصايدي و إنتي المـداد
من بعد إذنك / إسمحيلي سرنـا ودي انشـره=لان نار حبك ما يجي يـوم ٍ تحـول للرمـاد
فيني تناقض فكر ما با فسـره أو أخسـره=فيني جنون ٍ حرر شْعوري و كرهني الرشـاد [/poem]

و سلامتكم جميعااااا