يالله يا عالم بغبات الأبحار...

[poem=font="arial,5,#6d5423,bold,normal" bkcolor="" bkimage="" border="none,1," type=2 line=1 align=center use=ex num="0,"]
يالله يا عالم بغبات الأبحار=يا مطّلع فوق الخبايا السريرة

تفرج هموم اللي من الوقت محتار= زادت همومه والسبايب كثيرة

ونيت من مابي ولا بحت الأسرار=يا ويل قلبي من سهوم(ن) خطيره

كني سوات الذيب في قمة اشعار=مصيوب بالنيمس ورجله كسيره

عبرودها قصه كما قص منشار=ينقل صواب ام الفشك والذخيره

مكسور ساقه ما يداويه بيطار=حتى ولو حط الخشب فالجبيره

قلبي تجرع فالهواء كاس الأمرار=عزي لمنهو ما درى عن مصيره

تقفي به الدنياء وتقبل بالأفكار=وأصبح صويب ولا تريح ضميره

واليوم يا قلبي تصبر بما صار=والصبر طيب لو تطول المسيره

والناس ما تدري عن أسباب الأقدار=كل(ن) مع العربان يشعب بعيره

والرجل يصبر لو تواجه بالأخطار=مثل الجمل ما يحترك من هديره

ربعبي هذيل اللي لهم فعل واذكار=تاريخهم مشهور في كل ديره

اهل الكرم والجود والطيب والكار=واهل الوفى واهل السيوف الشطيره

إن دارة الهيه وثار القبس ثار=تلطم معاديها ولا تستشيره

وقت الشدايد ما تعذر بالأعذار=تشهد بواقعها ربوع الجزيره

كم واحد(ن) تكوي علابيه بالنار=بالميسم الحامي ونار(ن) سعيره[/poem]