غشـتك نظرتك وإلا الناس غشـوك

بسم الله الرحمن الرحيم
السلام عليكم ورحمة الله وبركاته
أسعد الله أوقاتكم بكل خير

موقف
قد يحدث مع الأســف

[poem=font="simplified arabic,6,#000000,normal,normal" bkcolor="" bkimage="" border="none,1," type=2 line=0 align=center use=ex num="0,"]
غشتك نظرتك وإلا الناس غشوك=أصحاب منت امتوقع منهم الغش
حيّوا وصبوا لك الدله وعشوك=الثغر لك مبتسم والوجه لك بش
وعقب الكرامه بغالي الطيب رشوك=ماتسمع إلا هلا بالطش والرش
ومن يوم ودعت عند الباب حشوك=غفله وظنوك منت بسامع الحش
لكن كلامٍ سمعته كنه الشوك=وإلا إشتعال الشرار بيابس القش
شيٍ يقول إمش دام الناس مشوك=وشيٍ يقلّك تفك الباب وتخش
تشعل عليهم لهيبٍ فيه طشوك=وتهدم عليهم جدار الصحبه الهش
لكن يقول العقل مادام عشوك=إن كان تقدر تمشيها لهم مش[/poem]