@@@مقهى الأمير الهـــذلي الثقافي@@@

[align=center]فضفضت لي عن سواليف امها اللي كدرتها
والحزن مثل الحسن لامر.. لازم ينوقف له

جت تفلسف طفلة مكياجها من فلسفتها
كملت عشرين عام ولاتزال اليوم طفله

يشبع الخلخال والسلسال جايع في رقبتها
خيزران لينها بين انتباه وبين غفلة

ودي ادري لا مشت بشعور الارض اللي تحتها
وان تثنت قلت وين اللي يقول ان الترف له

ااااه لولا خصرها قلت اسرفو في تغذيتها
مفقره بين النعيم ولا يبي من ينتصف له

حاجة تطري عليها جايبتها جايبتها
نسمة ماتعترف بالباب والحارس وقفله

قلت وش ذا اللي خفق بين الضلوع من اولتها
قبل اقول الضيف جاك اثره فتح كل الغرف له

يوم قومته لها ليلة سرت في سلهمتها
قالت اتشرف بقلبك يافتى قلت الشرف له

وصرت مع سرب الحمام اللي طلع من حنجرتها
ساعتين وهي تسوق الرمش وابصم واعترف له

تجذل انفاسي ولا حست دفاها كسرتها
واطلقتها للهبوب بكل طيش تنجرف له

لين باخر طيشها قصيت اظافر شيطنتها
لا تشح بكيدها الا كيدها ابن ادم ضعف له

نسلست عصريه الجمعه وهي تقرا بختها
بين جمع من العذارى كل شى منكشف له

كل ماجن يمشطن شرطانها اللي تعبتها
سمعوها من قصايد خلها اخر من عرف له

ولدت الحلمن تدور له وتنشد منظرتها
لدت لبرواز اسود دمعها يا ما ذرف له

لدت توصي مكاتيب قبل مازرفتها
ضمنتهاالغاليه دمعه وداع وعطر حفله

قلت اراضيها وجيت وجات والدنيا ملتها
والغزل دار ولقى المشتاق مشتاق يعزف له

كل مازودت وردي السواليف اخجلتها
وكل مازاد الحيى قلت الحلو وش ينكسف له

قالت امي تفتكرني طفله وتظلم بختها
صح انا ما ني بطفله ....صح انا ما ني بطفله؟

شاعر الأندلس[/align]