فرقونا الغرب لأحزاب وأجناس وحدود
فرقونا الغرب لأحزاب وأجناس وحدود.....وقسمونا لين صرنا دول متباعدة
اشعلوا نار التفرق وزادوها وقود.....تحت اســـم العولمة ما وجدنا فايدة
التعاير صار مبني على عدة بنود.....والجواز اظهر علينا مشاكل وايدة
مرة اذكر وقتها كان في جيبي نقود.....كنت كاشخ راكبـ(ن) فوق لكزس وراردة
اتسلا واتمشى مع وقت البرود.....مقصدي انسى طواري فقلبي راكدة
وشفت أنا المزيون يمشي وفي يده ورود.....قلت أنا يالله عيوني عليهم باردة
ردت عيون المها قلت من وين العنود.....قالت اني من هل الدار ماني وافدة
قلت مرحب بعدما المزن من نوه يبود.....شوفكم صدفة لنا والظروف محايدة
يالسنافي لو تكرمت يا صافي الخدود .....وينهم بياعة الورد انحب نشاهده
جاوبتني قالت خذ الرقم مني والورود.....واتصل بي لوتفضلت مرة واحدة
واستمرينا وزحنا الحواجز والسدود.....واندمجنا في وداد ومحبة جامدة
قالت محمد الي من قبيلتكم تعود.....قلت من هل اليمن والديار الخالدة
واختلف وزن الكلام وشفت أنا بعض الصدود.....وطالعتني بازدراءة ونظرة حاقدة
قلت أنا يا بنت ليه التلعثم فالردود.....لاني ارهابي ولاني من هل القاعدة
هل تشوفينا عرب او تشوفينا يهود....ام تشوفينا من امة غريبة ماردة
وش يعيب الشخص لو كان من خلف الحدود....والله اني من قبيلة عريبة صامدة
من سلالة ابن يعرب وقحطان بن هود....من سبأ والعرش تشهد عليها الأعمدة
منبعـ(ن) للعرب حنا ونصدق في الوعود....يشهد الله والعرب فوق ذلك شاهدة
ناصرين الحق والدين فسيوف وجنود....والحضارة اسسوها الشعوب البايدة
سد مأرب انهدم والعرب اقفوا شدود....بعد ما كانوا فأرض اليمن متواجدة
بس قوليلي وش أسباب كبرج والجحود....فكري بالامر اذا كنتِ راشدة
قالت اعذرني بدمعات تفوق الخدود....لا تواخذني محمد ترى مو قاصدة
والله ان ذكرك فالبال حتى في السجود...واذكرك فالليل وأفز وآني راقدة
نستميح العذر منك دخيلك لي تجود....وبالتسامح ,,لا تزيد الجروح الزايدة
قلت أنا يا بنت لي كان لا يمكن يعود....نار حبك فات وأصبح رمادة خامدة
والهوى لي يجرح النفس او يفرض قيود...ما توده كود ذيك النفوس الفاسدة
روحي بدربج وطقي براسج بالعمود....لا يجي رقمج ولا ابغي رسايل واردة
كلمات :صقر اليمن
|