دعاوي خصم

دعاوي خصم



للشاعر / عبيد الله امبارك اللحياني
كثر في زماننا الحاضر الكلام في الزمن وأنه تغير ولاهو الوقت الأول ومن
هنا كانت فكرة هذه القصيدة التي أتمنى أن ترقي الى رفيع ذوقكم ودمتم

[poem=font="arabic transparent,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بديت راس الحيد شراق الأصباح = والنفس فيها مثل برق الشعاعي
وليا أن خلق الله تعالى بالأصياح = تشكي زماناً منكره كل واعي
وتقول هذا الوقت ما فيه مرتاح = والقلب به من لاهج الهم داعي
أحداً شكى قل التجاره والأرباح = وأحداً شكى فقره وقل المتاعي
واللي يقول سنين والغيث ماطاح = ويجاوب الزراع ما عد نفاعي
وتعالت الأصوات تشكي وأحد ناح= وكلاً يعيب الوقت شين الطباعي
ويذكر زماناً فات للخير مفتاح = حتى صواديف الليالي تراعي
وقارنت وقت اليوم مع اللذي راح = لعل نلقى للشكاوي دواعي
ولانخايرهم على درب الأصلاح = وصلح الخصوم أحسن دواء للنزاعي
قال الزمان أول أجاوبك يا صاح = قدام لاتبدى بذل المساعي
أنا نهار وليل عامر بالافراح = للرب البيت صلى وطاعي
مدحني اللي في يده سيف ذباح = عنتر ومثله كل قرم شجاعي
وحمدني اللي ون من طعن الأرماح = لاشاف خله بعد يوم الوداعي
ويثني علي اللي سماء فوق ما لاح = يرقى شعفت المجد راعي النفاعي
وأنا الدهر مذكور في غيب الألواح = يصرف أيامي كريم مطاعي
هذا الجواب لمن نسب لي الأتراح = خصمي بدال الصدق ورد صناعي
بالزور ذموني خبيثين الأرواح = تشبه دعاويهم فحيح الأفاعي
مرحوم يا جيل قبل جيلكم ساح = فيهم جميل الفعل قسم مشاعي
وفعولهم تشبه شذى الورد لافاح= خذ الصحيح وخل كثر السماعي
حنا نبك اليوم للحق مصباح = سناه بين ما يجيه انقطاعي
قلت أشهد ان الوقت شهر له اسلاح = في لجة زادت علي الصداعي
يقول تصريقي بيد مجري الأرياح = اللي على خلقه وسيع أطلاعي
ياللي تعيب الوقت في جد ومزاح = البحر ما كيلةه بمد وصاعي
أنته تبي في الضل خوخ وتفاح = تحيا كسول وترجي الأرتفاعي
ولاصار صدرك بالمشاريه طفاح = تضيق عنك أهل الصدور الوساعي
واحذر وساويس كما زول الأشباح = تحداك والهوه تزيد اتساعي
قال العرب حكمك ظلوم وسفاح = غاوي وأظنك مانت راعي فزاعي
قلت الحقايق نورها دوم وضاح = والزور في راعيه يجي انخناعي ى
وأنا حكمت بدرب ما جات بسفاح= وأعرف مثامين الشراء والبياعي
خذوا كلامي عند كساب الأمداح= واصلوا به اللي زابنه ما يلاعي
ومروا على العراف نازل ونزاح= وزيدوا على المجهود ما يستطاعي
ولاقنعوكم كل عارف ونصاح = وتعبت خطاويكم على كل قاعي
الوعد راس الحول شراق الأصباح = في جال حيد مدهل للسباعي
[/poem]