صالح ابن رويجح المطرفي و سامي سعد السويهري

صالح ابن رويجح المطرفي و
سامي سعد السويهري
{ سامي }
ياسلام الله على غاب له غيبه
طويله
كل مانشد عنه قالو راح له ديره بعيده
خابره في وقته اللي فات مايغوى دليله
والعشيه فيه عدل وميل مانسمع قصيده
{ابن رويجح }
مرحبا بالي ليا استبطى ولد عمه يجيله
ينشده عن طرقته ويجيب له علمآ يفيده
والله اني في البلد ويهمني علم القبيله
ماتغيرنا وتبشر بالسواليف الجديده
{ سامي }
انت ياصالح تفرق في الكثيره
والقليله
عطني الاخبار والاعلام في ساعه وكيده
البعير شعيل دايم للحمول اللي ثقيله
ماعلاه امن الحمول ولو على حمله تزيده
{ ابن رويجح }
نوء يرعد في البحر وبروق تبرق في المخيله
والمطر حول على مكه وبردنا
الحديده
البعير شعيل جاي امن المعاليق الاصيله
ماطلع من واديآ ياقل محصوله وفيده
{ سامي }
كان شفت الغيث يمطر لا تقرب من مسيله
والعلوم اتبان يابو زيد في وسط الجريده
شفت لي بعض العرب مابين عدل وبين ميله
والله اعلم بالنفوس اللي شقيه والسعيده
{ابن رويجح }
والله اني محترص من واديآ مافاض سيله
وانت ياسامي تصوم الشهر ماعيدة عيده
ودي اوجهك واعلمك في ليله فضيله
لا تعامل غير بنك زاد ماينقص
رصيده
&& && &&
انتهت المحاوره٠٠٠٠