صـــورة وقلم ..

هذا الملك ؟ إيه الملك صورة بمعناها تبوح = لاهي بخدعة فوتوشوب ولاهي تركيبة فلاش
صورة القايد جميلة واضحة كل الوضـوح = والمعاني واضحة ماهي بعلومـاً غشـاش
الإمام اللـي لشعبـه مثـل برّاقـاً يلـوح = هل برّاقـه مطـر ماهـو رذاذ ولارشـاش
الكريم بن الكريم الخير من كفـه نضـوح = خير متواصل علينا ماحصل فـيه إنكمـاش
ماحلى هذا المحيا صاحب الوجه السمـوح = مدتـه مـدة كريمـاً ماهـي بمـدّات لاش
للفقارى درع ضافي بالعطا ماهو شحـوح = شوف زوله بينهم ماهتنى بعيش وفـراش
حيث همـه همهـم كـل ماناحـوا ينـوح = حط للمسكين دار وحـط للعاجـز معـاش
والبيوت اللي فقيرة في الخلا كانت تمـوح = حطهم في قصور فخمه بعد ماكانت عشاش
المكارم كل أبوها من سنا وجهـه تفـوح = والحقايق قلتهـا ياهـل المعقـول كـاش
في المليك اللي عظيم ولإرتقاء شعبه طموح = الإمام العادل اللي في قلوب الشعب عـاش

شعر ( أبو حمدان الهذلي )