(شبل هذيل .. والمنصوري ) جديد

[سالم السعيدي]

المنصوري


سلام الله برده ولي شرهه يا عقـال
وبن سلمان تال الزمن يخلف وعوده
الا ماكثر بروق الحيا والسيل ما سال
اظن المشكله كامنه في حـي عـوده

شبل هذيل (عبدالله السعيدي)

هلا يامرحبا مانبا شرهه لرجال
ولا نخلف وعدنا ولانقض عهوده
يجيك الخير والرعد اله فالمزن زلزال
عسى مذراك يذري ليا دنت رعوده

المنصوري

ياعبدالله تهرج وما يطري على البال
ومثلك والله انا ما ننكر له جهـوده
ما ظني كل من يسهج الميدان خيال
ترى ما كل عدٍ يبـا يـروي وروده

(شبل هذيل)
ابهرج وتهرج ولي فالكيف فنجال
وحقي مع رجال الوفا تثبت شهوده
يبارز فالمعارك ولد ماضين الافعال
ليا من الفتيل اقترب شبت زنوده


المنصوري

ترا منزال ابو زيد ماهو باي منـزال
علاك بعيد سطح القمر تبغـا تـروده
عسى الله يرحم اللي مضى ياعم ياخال
وعبدالله لا زال ايتحلم فـي جـدوده



(شبل هذيل)
يامنصوري اهدى عسى الله يستر الحال
وبيت الـــعز مــعروف عزه من عموده
ورثرنا الطيب من جدنا من عبر الاجيال
ولا ذم احــددانا وكــــــلٍ لــه حـدوده



المنصوري

تقوله يا السعيدي وفالا قفا والاقبال
لابد انحرر القدس ونذبح يهـوده
انا ماذمكم لوديركـم كلهـا جبـال
لكن سيوف الابطال للحرب محدوده


(شبل هذيل)

الا يـابو قفا وتخفىوتبين الاعـمال
وكيف يحرر القدس من ماتو جنوده؟
صــحيح اجبـالنا مـانـزلهـا كـل نـزال
ومن شاف الجبل خاف وختلت عضوده






اتمنا ان تنال اعجابكم


اخوكم/ سالم بن سلمان السعيدي