يادار غزه هاذي شعور هذلي

يــالله ياللــــي كل الامــه ترجـــاه
يــاربنــا المعبود جــهر وخــفيــــه
طالبك من رحمتـك والعفـو ياالله
يــا عـالـم المـكنون مـن كـل نيــــه
ترسل جنودك يـاعليـم المخفـــاه
علــى عــدو الـديــن شــر البــليــــه
وتدمر اسرائيل من تحـت لعـلاه
ونعيش يــاربـي بـعيشـــه هنيــــــه
الراس شاب اليوم مما سمعنـاه
اطفال ورجــال وبناتٍ بـــريــــــــه
والدم سال ولا لنـا اليوم مقفــاه
لازم نــوقــف للـــعدو بالحميّه
قام وتعدّى في حـدوده ولا جـــاه
نــاس تــرده لـين ماطــا الــمــطيــــه
لاكـن حنـا شعــب للـعـز مبنـــاه
فــي ظــل حـكـام الــبــلاد الاْبـيــــــــه
مليكنـا مـن بعـــد ربـي وطعنــاه
حنـــا جنـــوده بالـــعزوم الـقويـــــــــه
تحت الاوامر مانبا اليوم نعصاه
نمشي معه في صبح والا عشيــــــــه
نبي نسلّ السيف والموت ننصاه
ارواحنــا مـن دون غــزه فديـــّــــــــه
ندعي لهم في كل فرض قضيناه
يـفرّج الـكربـات راع الــــوفـيـــــــه
ويشافي المجروح ويعجل اشفاه
ويحاسب اصحاب النفوس الرديــــه
وختامهـا ذكر الـذي نتـبع رضـاه
رسولنـا راع الــنوايـا الـنقـيــــّــــه
صلو عليه وسلّمو وشكروا اسعاه
شفيعنـا يــوم الـخلايـق عــريـــــّــــه



صح إلسانك يابن عطالله لاهنت على هذه الأبيات الجزله