قصيدة حوار النفس للشاعر فالح الحساني

النفس عادةً ما تكون عدواً للإنسان فهي تأمره بالسوء وتقوده للخطأ كما ذكر ذلك القرآن الكريم
ولكن الشاعر فالح عيد ..الحساني يحاورها ويجادلها ويصمم على محاربتها...
في قصيدة أقدمها بين يديكم...

[poem=font=",6,black,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""] يانفس ياللي في خطاكي تمادين=ترى الخطأ ما قط ضوى تجاره
بـيـنـي وبـيـنـك حـــرب وأنـــت تـعـزويـن=وأنـــا خـصـيـم قـــام مـــن دون ثــــاره
والله لـجـاهــدك فــــي عــلــم تـريـديــن=إلا فـــي عـلــم مـــا يـعـقــب خــســاره
كــم واحــدن طـاعـك عـلـى مـــا تمـنـيـن=والـيــوم مـــن عـقـلـه يـصــدر قــــراره
مـيــز خـطـاكـي بـعــد نـظــره بتـمـعـيـن=والـلـي وطــا فــي الجـمـر يُـحــرق بـنــاره
يــا مكـثـر الـلـي مــن سبـايـبـك شـاكـيـن=لا خـيــر فـــي حـالــي وعـقـبـه مـــراره
تـوبــي وعــــودي لـطـريــق الـرشـيـديـن=والـنــار قـالــوا تشـتـعـل مـــن شـــراره
قـالـت لــي أنــت لـيـه تـصـغـي الـمـوازيـن=مـــا قـلــت قـولــك بصـحـيـح الـعـبــاره
أنــا شريـكـي فــي الخـطـأ القـلـب والـعـيـن=وأنــــت تحـمـلـنـي صــغــاره كــبـــاره
قـلـت الـنـظـر والـقـلـب لأمـــرك مطيـعـيـن=أمّّــــارة بـالـســوء عـطـيـتـي الإشــــاره
كـــل الـخـطـأ مـنــك وحـــذرى تـبـريــن=أنـــت كـمــا الـســواق بـيـديــه طــــاره
إلـيـا مـشـى فــي الــدرب مشـيـة مجـانـيـن=يطـيـح فـــي أسـبــاب الـحـفـر والـحـجـاره
ولـيـا مـشـى بالعـقـل ســار المـشـي زيـــن=يـلــزم يمـيـنـه والـحــذر مـــن يــســاره
قـالـت كـلامــك زيـــن حـســب القـوانـيـن=لـكـن مــن هــو الـلـي مـشـى فــي قـطـاره
كــم واحــدن مسـلـم ومـــن ثـلــة الـديــن=مــا كـــل درب فـــي الـصــلاح اسـتـخـاره
ماطـاعـنـي بالـغـصـب طـاوعـنـي بـالـلـيـن=وهـــو الأمـيــر الـلــي بـيــده الأمــــاره
وقـلــت يـــاه الـنـفـس يـالـلـي تـداعـيــن=بــالــعــزم نــاويــلــك بــنــيــة وداره
جـاكـي كـــلام الـصــدق ذلـحـيـن ذلـحـيـن=لـقـفـل عـلـيـكـي الــبــاب واحــكــم زراره
الــرأس بالـشـيـب اشـتـعـل ويـــش تبـغـيـن=والـوقــت تـجــري ليـلـتـه مـــع نـهــاره
يـــا يـــام مـريـتـي لــنــا مـاتـعـوديـن=لــو نشتـريـكـي بـالـذهـب مـــن صـــراره
إلــيــا ذكـرنـاهــا عـلـيـهـا مـحــازيــن=على صفاها والهناء والكداره [/poem]