المقابله الشامله والحصريه مع دكتور الحداء الشيخ صالح بن رويجح الهذلي

رد اهل الطير على قصيدة الشاعر صالح بن رويجح

فهد ناقي الهذلي من حفر الباطن

تذكر القلب ربعي وانجلى همي *** ساعة قريت كتاب وشفت انا اشعاره
ذكرت ربعن اعداهم تجرع السمي*** هذيل ربعي وكل الناس خباره
ربع اذا صرت معهم منت مهتمي *** تنسى همومك ولو هي تشبه الغاره
هذيل هم عزوتي في فورة الدمي *** اصلي وفصلي اقولها سر وجهاره
ماقلت كذب ولا زور ولا ظلمي*** اعد ماصار بالتاريخ واخباره
واصلي انا مطرفي ماني بمتسمي*** من لابة في نهار الحرب جباره
اصلب من الصلب وسط الصفا الصمي*** واحد من السيف لا سلوه من الغاره

الشاعر الاستاذ محمد بن سعد العجلان
حي الله اللي يغرق القاف من يمي *** الشاعر اللي قرينا درة اشعاره
مادمت بالطير واهله حيل مهتمي *** فأنا بشاطرك هم البعد واسراره
الطير ياابن رويجح هو سبب غمي *** دخلتي في جيرتي يالعن ابو داره
والله ماهو رخيص دم ابن عمي *** لكن نفس الفتى بالسوء اماره
عساك للنار ياطير سفك دمي *** لاعادك الله يايوم طلب ثاره
هذا وانا يوم اجير الطير من ذمي *** عند المواجيب نفسي دوم جساره
مابرت انا فأبوي ولا عصيت امي *** ولاهي بنفسي على الشدات قتاره
يفوح عطر المراجل حيل من كمي *** ماني من اللي يتصدد خوف خطاره
انا من هذيل وبالعجلان متسمي *** ربعي اهل الجود والنخوه لهم شاره
عجلان مع عيد في رغبه لهم سلمي *** وفي البره اللي جنوبيها ورى القاره
لو خضت صب القوافي مانشف دمي *** سحابي في نجيل النعت لمدراره
الله يحيك تنقل حضرتك يمي *** لاعاش منهو يطفي دونكم ناره

مع الشكر للباحث سالم بن عليثه الهذلي