الكارثة

[BIMG]http://up4.m5zn.com/9bjndthcm6y53q1w0kvpz47xgs82rf/2009/12/8/02/68qiujorz.jpg[/BIMG]

بوح المشاعر تجاه ماحصل لأخواننا في جدة عروس البحر الأحمر وأسأل الله أن يرحم من مات ويتقبله شهيداً وأن يصبر الحي ويعوضه خيراً .

[poem=font=",6,black,bold,normal" bkcolor="transparent" bkimage="" border="double,5,black" type=0 line=0 align=center use=ex num="0,black""]
لجاء القدر من فوق سبعة سماوات =ارجع لربك يابشر والتجي له
واستغفر الرحمن من كل زلات =لعل باقي لك ليالي قليله
من لا اعتبر فاللي حصل والذي فات=اقول يمكن توبته مستحيله
يوم ارعد الغربي وبارقه ما بات=والفجر حان وقام يقرب مخيله
هلت على جدة مزونٍ ثقيلات=وكل وادي جاك يدفع حصيله
طوفان متمثني مساكن وحارات =راحت بغمضة عين طين ونثيله!
كأن المواتر والبشر والعمارات=مثل السنابك في البحور المهيلة
تعالت الاصوات من عاش من مات=واللي بوسط السيل ماينصي له
راحت عوايل واختفت وسط غبات=واللي سلم في القلب جرحه يشيله
إما وجد والديه من بين الاموات =والا فقد له طفل ولاحليله
ولا فقد اهله مع الممتلكات=وامسى كثير هموم قليل حيله
واللي شقى عمره.. شوية ريالات=شرابها بيت العمر بالمسيلة
وادي ودكوه الشياطين بسكات =وتوازعوا دم الضعوف الهزيلة
وادي فحل واصبح قطع وبلكات=والله فشيلة ياالامانه فشيلة
ماصار في جده جريمة لها اثبات =هذا جزء من واقعٍ ينرثي له
مدينه بلا تصريف ياهل الامانات =وين الخطط عبر السنين الطويله؟
وين الدراهم وين هيهات هيهات؟=كلاً على الثاني يحضر دليله
يازينهم وقت الخطب في المنصات=ويا شينهم وقت المهام الثقيلة
يا خادم البيتين معطي الجزيلات =تسلم يمينك وانت راع الجميلة
وياال السعود انتم سندنا ليا جات =الكارثة وانتم شجرةٍ ظليله
وأنتم ذرانا فا لليال الصعيبات =وحنا بايديكم سيوفٍ صقيله [/poem]