فكرة برج المليون رد .............!!!

من قصص واشعار ..


الشاعر الكبير / محمد الخس المطيري ..




يقول وفي يوم الشديد مريت من قدام بيت أهلها كني أبا اروح للناس اللي على البير يسقون حلالهم
يقول ويوم تعديت البيت وهي تطلع من خلاف البيت وتشر لي على قلبها .
قلت : منهو له ؟ قالت : لك ....
قلت : واللي محجرينه ؟ : قالت أبوهم بعشرين ضو ...
فخرجت أمها ورأتنا ثم قالت لعل عينك للطرفة ما انت بيم الشديد والقامة ثم أخذت عصا تريد تضرب
البنت ثم استحت ورجعت .

فقال هذه القصيدة :







[poem=font=",6,white,bold,normal" bkcolor="firebrick" bkimage="" border="none,4," type=2 line=1 align=center use=ex num="0,black""]
بالله ياهـل البيـت لا تشلعـونـه=خلوا عيوني من حبيبـي تـروى
ثم لا تهوزونـه تبـي تضربونـه=جعل اليدين اللـي تطقـه تكـوى
جسمه حريرٍ لـو تبـي تلمسونـه=مثل النفل لو تلمسـه لمـس ذوى
غروٍ نياشين الغـلا فـي عيونـه=يضحك ويشر لي على القلب جوى
يقـول هـذا لـك ولا يقربـونـه=وأبو الذي يزعل بعشرين ضـوى
وأنا مليك رضـاه ماجـوز دونـه=قلبي معه بيديه من حيـث مـوى
حيث اني افهم ماخفى من ضنونه=وأدري بقلبـه مـن قديـمٍ وتـوى
وأخشى عليه من العرب ينظرونه=أنا أشهد ان اللي مسويـه سـوى
نبنوب مـوزٍ مايـلاتٍ غصونـه=عرقه من الجـم الزلالـي تقـوى
والخـد بـراقٍ تكاشـف مزونـه=مثل المشاعل مـن مقاديـم نـوى
عنـق الغـزال مخلعـاتٍ متونـه=والثوب من قفـوه عليـه يتطـوى
في خاطري ما فالبشر مثل لونـه=مما خلق ربـي مـن آدم وحـوى
الله على من شـد مجمـع قرونـه=وأكمى عليه وفـي رقبتـه تلـوى [/poem]





و سلامتكم