نظـــرات ... الالـم...؟

املي ان ترتقي لذائقتكم ...



بين السهر والليل والدمع ميعاد****وان قلت مهما قلت ماهو كفايه

اهات قلبي لا اقبل اللـيل تزداد****ما دام كلن ماشيٍِ حسب غايه

واليا سألني واحدن قلت معتاد****هذا الخطا لن ماهو خطايه

خل الفراق يصارع الجرح لاعاد****وخيّـب ضنوني فيك وانته منايه

عقب البطى حبٍ مضا كيف ينعاد****هاذي نهاية..شكلتني بدايــه

ما همني من كان حاسد ونقاد****ولا همني لحظة وداع النهايه

ماكنت اظن البعد حسره للاجواد****ماتلتقي بالدرب رايه ورايه

نظرة حزن تخفى من الهم مازاد****منها ربت فيني بـوادر حكايه

نظرة وفا فيها للايام تعداد**** خل السراب إليا قلتني ضمايه

نظره تساوت دونها ابعاد وابعاد*** حتى تناسيت العهـد والوصايـه

نظره تقول احذر من الشوق وشعاد**** ما يستوي درب الخطا والهـدايه

نظرة تحدي بين تصميم وعناد**** من بين خلق الله عطيتك غلايه

نظره تقول اليأس واقف بمرصاد****لاتبني احلامك ولاهي هوايه

ياما نصحت القلب والنصح مافاد****وياما كسيته بالرجا من رجايه

خان الزمان بمنوة القلب ماجاد****واللي حصل مانال حتى رضايه

اعلنت حبي لك على روس الاشهاد****يوم انتظر حبك وأشوفه دوايه

بس اعترف ماني عن الناس نشاد****والا الخيانه منك تبقى جنايه

لاعاد يوم فيه شفناك لا عاد****والله ماظنيت ان هذا جزايه