قصيدة بعنوان مرسول" للشاعر عبد الله المسعودي رحمه الله

[ماطر السويدي]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سريانديبي على وارد شفرتسعة وستين =أحمر كما الدم سواقه فلان ابن فلاني
إذا مشى تلفح الرجلي هبوبه والنظر زين=مزموم ملموم ينشط راكبه لوكان واني
من سرعته كأن يمه مقبلين اللي مقفين=صفق الهوى في قزازه يصنج بالاذاني
تسعة من التسعة اللي ماتولوه الرماهين=ماساقه إلا الافندي من مكان الى مكاني
رفارفه مع جنوبه كأنها رقاب السراحين =وموخره يوم يقفي شبه مقفى الحصاني
كامل قزازه وبيبانه تقفلها الكوالين =يمشي ببنزين مايمشي بضرب الخيزراني
مع شقة الفجر من مكة إذا قاموا هل الدين=أحذر عيونك تذوق النوم من بعد الاذاني
هلل وسبح وصل من عرض المصلين=ثم أنقره سلف واصبرله عشرة ثواني
ومر المحطة وأخذ عشرة تنك وإلا جوالين =إخذه من العايدي ممتاز تكفى مايداني
وان نشدك المفتش وين باغي على وين=قول الرياض الف كيلو والف كيلو مارزاني
منصاك أخويه فرج نعم المسمى والمسمين=غصباً على كل قلب لايباه ولايباني
تلقى البشاشة وقيلة مرحبا اهلين واهلين =وتلقى من الهيل مايرويك والبن اليماني
واكل الذبيحة وقل له يافرج جيناك عجلين=أخذ علومي وأعطني ما معك واطلق عناني
هذا الذي رحت لأجله لاغرض غيره ولادين=وده كلامي وقل له بالنيابة عن لساني
واشهر سلامي عليهم بالالوف وبالملايين =وقول انا جيتكم مرسول متعني وعاني
مرسول من عند عبدالله وجايب لك خبر زين=تراه مبسوط لايشغل ضميرك علم ثاني
والاهل في خيروالاخوان والربع الموالين=حال يسرك وهذا ماتمنى في زماني
وقول خطك وصلنا وأفتهمنا له بتمعين =حتى فهمنا حروف الخط قاصيها وداني
وانته لعلك فهمت اللي نقلك يا أحمر العين=عساك شاعر كماالشعار وتعرف المعاني
أما إذاسلتنا عن قصة الربع المساجين =فهم الى الآن ماأنفكواولابان البياني
ويستاهل اللي يعرض سمعته قول السفاهين=ومن يعترض للبلاوي لا يقول الله بلاني
واللي يمر المراغة ماسلم ثوبه من الطين=ما أحد يحصل من التنباك مسك وزعفراني
مراعي الهيم لابد تعدي القراحين=من قارب الجرب يجرب لين يطلى بالدهاني
قالوه قبلي رجال مجربين بالبراهين=وانا مجرب مثل ما جربوا وأعطي واثاني
ماني بمرسل مكاتيبي على غير العناوين=وان قمت في شانأ شاني
ثم أذكروا خالق الدنيا وصلوا يالمصلين=على محمد شفيع الخلق يوم الامتحاني[/poem]