.. روحي بحايل ..

من اروع الشيلات ..

التي تتفتق زهور القلب لها طرباً ..


اهديها لكم احبتي في منتديات هذيل ..





http://www.youtube.com/watch?v=y-o4i68lMvw





وإليكم القصيده ..





روحـي بحايـل مـا تفـارق جبلهـا
حبي لها عيا علـى كـل الأوصـاف

أفـرش حصاهـا وأتوسـد سهلـهـا
وارقـد بحضـن سلمـى ولا أخـاف

أسمـح وأراضيهـا وأداري زعلهـا
واتشاق له شـوق الطنايـا للاظيـاف

أو شوق سمر جبـال حائـل لأهلهـا
وجاوزت من حبي لها حد الاسـراف

وعيني لاجآ ما تسمـع اللـي عذلهـا
وخشوم سلمـى شـذرات الأسيـاف

قصـة غـرام تـراب حايـل نلقهـا
تحكي على التالين من ماضي الاسلاف

أجـا تهضـم عبـرتـه وأحتملـهـا
ولاهي بعـادة عبـرة الحـر تنشـاف

وحول على شم الجبـال ونزلهـا
عن دار ذلٍ عقـب ماشـاف ماعـاف

وسلمى تغنـي لـه قصايـد غزلهـا
على الوفا الـود وسلـوم الأشـراف

وحاتم زرع عود السخا فـي جبلهـا
وواقد بشامخ صلعها نـار الأضيـاف

وعنتـر علـى عبلـه ركابـه عقلهـا
وشاورا عليه عيـال عبلـه بالأنكـاف

دار بهـا الشلقـان ضاغـوا مثلـهـا
خويهم شالـوه مـن فـوق الاكتـاف

وقصة معشي الذيـب محـد جهلهـا
يامن يعد الذيب من عرض الأضيـاف

وراع اللبـون اللـي علينـا نزلـهـا
ترعـى لبونـه القريـه والأكـنـاف

مالـوم مـن روحـه لحايـل بذلهـا
وأرخص لها قلبٍ من الـود ينـلاف