حداية هذيل فحفل سلامة الشاعر القدير عبدالله الميزاني (اسوار الذهب )..

هذي حدايه قبيلة هذيل عند قبيلة مطير

في الاحتفال المقام بسلامة الشاعر القدير :

عبدالله الميزاني المطيري (( اسوار الذهب ))

بتاريخ يوم الخميس الموافق :18\3\1431ه

وهي من اعداد الشاعر القدير صالح المطرفي الهذلي (( فارس الصحراء ))

وقد قدم بها على ربعنا مطير ومعه مايقارب اربعين رجال من هذيل :


سلام تسليم على رؤس المزون يلوح برقه
دنت رعوده وانثعب نوه وصار الكون شرقه
يفرح به الصاحب وفي كبد العدو تشتب حرقه
والذكر يبقى والبقى لله والاحياء تموت



يامطير حمران النواظر مايبين الصبح فرقه
الا ليا ارخى روس جنحانه ظلام الليل سرقه
يبدي له اللي ماتبدا في سمار الكون درقه
واليا بهت واهج نجوم الليل مالليل صوت



في حفلة اسوار الذهب طاب القصيد وزان طرقه
وياللي تبا تبدي على المرقاب جر الصوت وارقه
حنا هذيل اللي ملكنا الشعر من غربه لشرقه
وللا الحيا من الناس لنسكر على الناس البيوت



وكان الرد من الشاعر محمد بن غازي الميزاني شقيق الشاعر اسوار الذهب :


يامرحبا ترحيب حياً بالحياه وحي عرقه
يركم خيال من المناشي في سماه تنوح ورقه
تسوقه الحايه على مشحاه لو العمر طرقه
ميقافكم ميقافنا واجب وجوبً ما يفوت


ياعسكر البارود مقبل خير سهم الرمح زرقه
حنا ترانا قوم مانأخذ على الميقاف عرقه
حقيقه الميقاف عودً فاح طيبه بعد حرقه
مطلع حرار في نهارً من كبيرين البخوت


في ثالث العيدين للقرناس تفريعه ومرقه
وليا احتمى صلب الحديد أكيد ماله غير طرقه
وخضار فيضه وحده لو زان للعريف برقه
وهذيل لباسة بشوت وفيه لباسة بشوت


.... وسلامتكم