لازم تشاركوني بليز,,,

[درة الاماني]

انا اليوم حا به اقترح عليكم إقتراح وياليت كلكم تشاركوني الاقتراح طول الله عمركم,,,,,,,

انه كل واحد يكتب قصيده عن الفراق اوعن العيد مو قصيده كامله يعني كذا كم بيت من احلى ماسمعتوا مثلا عن الفراق بكتب الحين وشوفوا




الليلة هذي واضحة ليلة فراق=حاولت أعديها وعيت تعدي

ظروف ما تنطاق ولا راح تنطاق=صد القدر ماهو بصدك وصدي

تعال خذني بين أياديك مشتاق=قبل انتفارق حط يدك بيدي

بجلس معك ساعة حبايب وعشاق=من بعدها كيفك ولو صرت ضدي

فيني خليط اشواق بأشواق باشواق=واصل معك من كثرة الشوق حدي

ودي المك واحضنك حضنة اعناق=ياشيب عيني كل ما قلت ودي

في خاطري وش خاطري خاطري ضاق=الكون كله ضاق ماهو بقدي

حتى الدموع الي استحت كبر وأخلاق=تساقطت من فوق خدك وخدي

لوحة شعر تبكي على بيض الأوراق=بيحت فيها من ردى الحظ سدي

ليلة جفا وافراق ما مثله افراق=حاولت أعديها وعيت تعدي

.

هذي عن الفراق اما عن العيد مثلا وهي ابيات قصيره لكنها من اروع ماسمعت يعني فيها كلمه العيد وهي عن الفراق بعد
عوجو عليّ ارقاب الايام ياعيد

......................... لين انني اقضب في يديني رسنها

وياعيد .. ماعينت لي فرحة العيد

....................... قفيت انا عنها .. وقفى ضعنـــها