يا [you] هات لاهـنـت نــصــيــحـه } ،،

اولاً اسف واعتذر عن التخير لان لجهاز متعطل عندي وكذالك لم انتبه للموضوع
ولاكن تقبل هذه النصيحه بمافيها من حكم وعسى ان تنول على رضاك

[poem=font=",6,black,normal,normal" bkcolor="white" bkimage="" border="solid,8,red" type=0 line=0 align=center use=ex num="0,black""]



قالوا تفكّـر قلـت ياكثـر الافكـار=اسرحبها وأضويبهـا فـي حياتـي
قالوا وش اللي مشغلك قلت الاقـدار=مافيه يوم الا وانا حسـب وفاتـي
وانا ادري ان الموت مامنه منفـار=وإن البنـادم مرجعـه للممـاتـي
لاكن ابا أوصي قبل قصّاف الأعمار=وأبـاك ياراشـد توثّـق وصاتـي
حافظ على دينك ولوصـار ماصـار=وترى عمود الدين هـي الصلاتـي
من كبّهـا كافـر ومثـواه فالنـار=مـن لايصلـي ماحصلّـه نجاتـي
حذرا يجيك النوم في وقت الاسحار=عن مذّن الاسحـار حـذرا تباتـي
هلّل وكبّر واطلـب النافـع الضـار=ترى هذاك الوقت وقـت احسناتـي
والصوم واجب فوقنا جمـع ونفـار=الله كتـب فالعـام شهـر ابركاتـي
شهر ابركات وذكر ياطيّـب الشـار=ياحـظّ منهـو فــاز بـالأوّلاتـي
فيه انزل القرآن في داخـل الغـار=على رسـول الله حسـن الصفاتـي
وبه ليلةً من قامهـا سـر وجهـار=يفـوز بأحـس نـوع فالجايزاتـي
والحج فرض لْكل مسلـم فالأقطـار=من يستطيـع الحـج لابـد ياتـي
يزور بيت الله على حسـن ووقـار=وياقف نهار التسع وسط أعرفاتـي
في يوم مابه فرق فكبـار وصغـار=من كمل اشروطـه لقالـه براتـي
وطلّع زكاة المال من حسن الاسعار=الله كتـب فوقـك طلـوع الزكاتـي
واختار جارك قبل لاتشـري الـدار=ان كان فـي دارك تريـد الثباتـي
الدين ياراشد بغـى يـورث الجـار=يصبح معـك خشيـر فالمورثاتـي
انشد عن احواله لاتنشر له اسـرار=اسـرار جـارك خلهـا مبهماتـي
واصحى تصك الباب في وجه خطّار=كرّم ضيوفـك لـو تبيـع العباتـي
انص الضيوف بواجه منور ومسفار=واحجاج يضحك واحسب المقبلاتـي
وبنت الردي لو زينها ينور انـوار=فـي ناحيتهـا لايجيـك التفـاتـي
مامن وراهـا ألاّ مشقـه ومخسـار=منته محصّل مـن وراهـا غناتـي
يطلع ولدها خبـل ماياخـذ الثـار=يجلس مع امه في نهـار الغزاتـي
لاتاخـذ ألاّ بنـت وافيـن الاشبـار=ماكـل ورده تنقطـف فالنبـاتـي
الي لهم في صفحة الطيـب تذكـار=لاخير فـي تمـره مافيهـا نواتـي
احسب احسابك قبل تاقـع وتختـار=لاتنخـدع فنجومـه الساهـراتـي
صقراً بلاجنحـان فالجـو ماطـار=والعلم ياراشـد ليـا فـات فاتـي
وربعك لاتتركها لو إن الدهر جـار=تضحك علاك اعداك وهل الشماتـي
ربعك ضلالك فالمواقف والأعسـار=فوقك ضلال وفي يمينـك عصاتـي
تفخر بهم في كل محفل ومحضـار=من كبّ ربعـه طـبّ فالموبقاتـي
وأنصحك لاتجلس مع الناس الاشرار=لاتجلـس ألاّ مـع رجـالٍ ثقاتـي
وبيتي مجود فوق سيسان وجـدار=وهذي اوصاتي وأستمع في وصاتي [/poem]