زين البيوت المحلاه للشاعر الشيخ سرحان بن هليل المطرفي

زين البيوت المحلاه
مناسبة القصيدة: مدح في أخويه وشقيقيه الشيخ بخيت بن هليل والشيخ شويمي بن هليل وصديق عمره أبو محمد الشيخ جزاء بن صالح المطرفي حفظهم الله والمعنى ما يضمره الشاعر .
[info]
يا ذيب قوم وجاوب الذيب بعواه = ليا أشتهت عين الرخوم الرقادي
وأختار من زين البيوت المحلاه = مادام ما يحداك عنها حوادي
ويا راكب اللي يقطع الدرب ممشاه = الجمس وإن زود بنار الوقادي
تفقد زيوته ووكد على ماه = ليا اكهبت للنوم روس الحنادي
وليا سريت الليل يعجبك مسراه = يعجبك في مسراه ريح البرادي
بخيت مره والحذر لاتعداه = ورد كلامي حيث فيه السدادي
أخوي مايرمي كلامي لياجاه =يعرف بضربات السيوف الحدادي
وملفاك أخويه دوره لين تلقاه = أبوسعد يفرح بصوت المنادي
تلقاه في حيد الدلال المصفاه = يفرح بها الطرقي وراع الشدادي
الحضرمي قدم بتقدير يمناه =من واحد لا فاد ولا استفادي
رمى علي الحمل والحمل مقواه =لاوابيادي فيه كل البيادي
الحمل فوقي والدنايا دناياه = ياخالقي ياللي عليك أعتمادي
تفرج لمن سده على الناس مبداه =ما غير اغني باللحون الجدادي
وإن ضاق باللي قمت الالي ملالاه = أظن يهناني شرابي وزادي
ويا راكب اللي بالحلايا مسماه = فج النحور مطلقات الأيادي
ملفاك منهو كل ما قول يعناه = أبو محمد من رجال القوادي
وليا لفيت ابتل ولاتقصر خطاه = قله لعلك دائم فالمرادي
وليا لقيته أعطه الخط يقراه = وليا قرأ المكتوب رد الردادي
قله صحيبك شال علمي ودلواه = وأنا ليا ذلحين لازم حيادي
قله تراني جاي وادي ومضماه = والله مدري فيه أنا وين غادي
جابت لسان قليل العرف مدماه = لياهرج مضرابها فالفؤادي
ليا هرج يلوي لها حيد علباه = وليا هرجت يقول هذي دوادي
والله لالاعلم ما ودي أثعاه = لشل حتى مقرعات الثوادي
وإني لورد علمها أقصاه وادناه = وابدي لها في عاليات المبادي
من خوف يلحقني من الصبر مزراه = الصبر مر ليا تكرر وزادي
إن كان جاء علمي على ما قداناه = الدرب واحد ماش فيه انفرادي
و إن كان روح روحة مقاط وارشاه = الصقر مايفهق لياجاء الهدادي
البيت باني ما اختلف ساس مبناه = باني على مبناه علم الوكادي

[/info]