ربعي مشى مندوبهم للشاعر الشيخ سرحان بن هليل المطرفي

[ماطر السويدي]

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
اهتاض بالي بالمثايل وغنيت = وارد من بالي على ماتوريت
ميزت فالدنيا وفيها تمقيت = أيام يا ما بغثرت من مشاريب
والله لالا يوم أضيق اقعد الراس = من دلة صفراء لها الهيل بقياس
لغدي كما الكهرب ليا ناشه الماس = وتشب نيراني وتغدي صواليب
ونيت ونه من صميم الفؤادي = على فقيد راح ما عاد عادي
في ديره عسى مطرها الجرادي = وليا ذكرته دق فوقي تحاسيب
بخيت وقت الضيق شدا حزامي = وأبو سعد له نور يجلى الظلام
وأحمد صغير ماش فوقه ملامي = ليا كبر نجبر به العظم ويطيب
وأبو فهد عيد الركايب لياجن = إن جو يبغون العشاء هي وهلهن
يذبح لهم كبشه مع الهيل والبن = ويكمل ضيوفه جميع المطاليب
رجل بليا مال عنه النظر مال = لو كان يسوى له ثلاثين رجال
وإن قل ماله ما سوى ربع فنجال = ليا قل ماله فيه كل العذاريب
والاش له تقدير من شأن ماله = لو كان ما يسوى مواشي حلاله
وهو عن الماء قاصرات حباله = واليوم فوقه يرسلون المناديب
واهتاض بالي بالمثايل وأغني = واريع أمثالي على كل فني
ربعي مشى مندوبهم ما وصلني = وأنا من اللي ينطحون المواجيب
ربعي مشو في دربهم ما نبوني = يا ليتهم في دروبهم خبروني
أخذت لين الصبح أصارف عيوني = سهران وأعد النجوم المراقيب
نادى عليهم شيخهم بالاسامي = قالوا حضرنا يا عقيد الجهامي
ربعي لها ميقاف وقت الزعامي = ليا دعا الداعي ترى ربعي تجيب
ياعزوتي مني عليكم دعيه = سوقو دخليل الحق للمرضويه
إما حكم بالحق لي وعليه = ولا حكم لي فوقكم يالمناصيب
قالوا إبشر بحقك قبل تبدي دعاويك = إن جاء سهو منا ترى الحق يرضيك
نعطيك عذر بجزم والعذر يكفيك = ما أنته من اللي يشقرون المشاعيب
ياعزوتي تشاوروا بينكم بين = يالعزوه اللي فاللقاء تقضي الدين
يدريبها الأقصين والربع الأدنين = الذيب فالمفزاع ما يكره الذيب
بعد إن دعانا الراشدي من دياره = جيناه مثل الحج يوم انحداره
أنا أشهد إنه من رجال الوقاره = قدم لنا عنده كثير التراحيب
ما أخص ربعي عن جميع القبائل = جو كما سيل انحدر مع مسايل
لكن ربعي جاوهم في الآوائل = في راي شيخ يحكم الراي ويصيب
وصلاة ربي عد ما لاح براق = وإعداد ما شال الشجر خضر الأوراق
على النبي شفيعنا يوم الإرهاق = شفيع الأمه في نهار الملاهيب [/poem]

هذا المجالسي راق لي بمافيه من الرصافة

صح لسان الساعر سرحان المطرفي

ولك الشكر على الايراد