المتــنبـــي ..... للتواصل فقط

رساله الى مواهبنا المدفونه بأيدينا

المجـْــــتمع له دور والا الموهبه من ربّـــي
.......... ما خصـــّها في ناس. قســـــّمْها مــبين عباده

مير البـــلا في اللي يــــــذمْ المبتدي ويهبّــي
........ شاعر حصــــيله منتــــهي. ويمارس استبداده

والله لو إن الشــــاعر آبو الطــــــيب المتنبّي
........ جــــا مــن قبايلْنا ليلْــــقى له عـــرب نقّاده!!

وهذا السّــــبب في الف مبدع منزوي متخبّي
....... ما يــدري إن المشكــله في العــالم الحسّاده

وإن الجبل راسي ولو كــــــان الرياح تهــبّي
...... وإن المــــوارد صـــفْوها للعـــالم الــوراّده

نبغى رجالٍ كل ما نـــــادى اللــزوم تلـــبّي
.....حمّاية الماقف , وفي المنــسب ســـلايل قـــاده

لا تنــْـــعزل كانك على دوس الخطر متربّي
.... حاول وخـــذ فرصتْك وسلاحك ثقــــه وإراده

ترى النفوس اليا انْطوت مـثل البيوت تهبّي
..... وصّل شعورك لا تقول اليــــوم حــرْب إباده

شاعر واقول انسبْ شعري وإقتفوه بـــسبّي
..... واليـــوم منـّــــي يحْلمون بكلـــمتين إشـاده

ولاني ملصّق في الكلام إن المثل يضربّي :wink:
...... هي تجربة شــــاعر عــنيد ولا يكب عناده

لأن الغرور أحـــق فيه الشـــــاعر المتنبّي
...... اللي لــــو إنّه عنــدنا لاقـــى عرب نقّــاده

تركي الصخري القرشي