مجالسي للشريف عبدالمحسن البركاتي ..

مجالسي للشاعر الشريف/ عبد المحسن بن منصور أبو شون الحسيني ألبركاتي . بعنوان ( بين الحقيقة و الخيال )



بديـــــــت باســـم الله عليــــه اعتمــــادي ***** الواحـــــد المعبـــــود رب العبــــــــاد

بديــت به وارجيـــه يـــــوم الـتنـــــــــادي ***** يغفر لنا الزلات والكـــــــل يرجيـــــه

بديـــت بـــــك وأرجـــوك فـــرج همومــي ***** واقضي لنـا يا رب باقــــــي علومــي

تعلـــم ظـــروف العبــــد في كــل يومــــي ***** وأنت الذي قــادر تعينـــه وترضــيـــه

تسمــعـــــــــوا في قافــــي اللي بنــيتــــه ***** شرح لمعــــاناتـي وشرح خفــيتـــــــه

وشـروح في ماضــي ابــــد ما نسيتــــــه ***** واللي يبا المعنــــى عـــيونــه تقديــــه

مانـــــي كما العـــربان ما نـــام بالليــــــل***** وان نمت لي ساعة أشــوف التهاويـــل

أقالــب أفكاري ليــــا طلعــــة أسهيــــــــل ***** وأصبح ولأن الهــــــم زادت مواريـــه

قلت استشيــــر في هم قلبـــي وبلــــــواه ***** صديق واشــرح ما بقلبـي ومــــاجـــاه

يمكن يــــــلاقــي حـــل هذي المعــانــــاة ***** وأنام مثــل الناس ليلي لتــــالـــيــــــــه

وبعـــد المشوره من قرايب وصــدقــــان ***** قالوا كشفنــــــا لك لـــقينـاك ولـــهـــان

جــدد عتبـــــــك وشوف للقلب خــــــلان ***** منه نشد درب الســـلامـــــــه يــلاقيـــه

وقــــررت في نفسي أطيـــع أصدقايــــا ***** حيث أن شورتهــــم توافـــــــــق معايـــــا

ولابـــد لي تجديـــــد سيـــــرة هوايـــــا ***** النفس تبغى والعمــــــــــر كـــم بقي فيه

وحيث إن عندي من الوطـــن ما كفاني ***** قررت أغيــــــر وجهتــي والمكانــــــــي

وأشوف لي رعبـوب تــــدرى زمانـــي ***** ومنه أجتهد ربك يعينه ويعطـــــــــيـــــه

ونويت أسافــــر يـــم خيــــلان للعـــود ***** وأجدد عهود مضت وأعطــــــي عهـــود

واختم مواثيقــــي بمأذون وشهـــــــود ***** أسعى وما يكتــب من الـــــــــرب راضيــه

وفي الصبــح بدري أقلعت يوم الاثنين ***** الطايره بينــــــــــــا وسواقهـــــــا زيـــــن

طارت بنــا في الجو ساعـــــات ثنتيـن ***** وحطت ولأن النيــــل عينــــــي تراعيــــه

وساعة وصلنــــــــا للمطـار التــــــقينا ***** صاحب يناظـــرنـــــــــا ينــــادي علينــــا

رحب بنا وأخذ الشنــــط مــــن يدينـــا ***** قال الغداء عنـدي من الصبــــــح حاسيه

ومن بعد مارتحنا لنـــــا حسبـــــة أيــام ***** قمنا نتمشى للقنـــــــاطر والأهـــــــــــرام

رحنا على خان الخـليـــلي والأعــــلام ***** الشخص مما شاف ينســـــــى ماسيـــــــه

والنيل يا مجمل مــراكبــــك يا نيــــــل ***** الأنس فيها والطـــــرب والتعاليــــــــــــــل

مقدمه فيها جميــــع التســــاهيــــــــل ***** واللي معه عله فـي قلبــــــــه تداويــــــــه

شفت الحمام اللي على النيل مربــــاه ***** اللون واحد والغنـــــــــــاء والمناجـــــــــاة

لا رفرف الجنحــــــان لاحت مزايــــاه ***** وليا وقــــــف غــرد وبانــــت معـــانيـــــــه

وأنا سلبني ســــــرب ذاك الحمامــي ***** من ساع مـــــــــا وقفــــت ورد السلامــــي

وأرخى عليه من الـشعــــر واللثامي ***** وأصبح يلاغينــــــــــي وأنا صرت ألاغيـــه

وكانت ملاغاتي مـع البيض ساعـات ***** الهمس فيها والوعـــــــــــــــد بالإشـــارات

قفوا بعدها ووعــدوني بحــــــــــزات ***** قلت الوعد ؟ قالوا وعدنـــــــــا نوفيـــــــه

وجاني على المــيعاد سيد الغوانـــي***** اللي سلب قلبي وحبــــــــه كوانـــــــــــــــي

وأثره مثل مانــا هويته هوانـــــــــي ***** واللي كواني صرت أنــــــا اليوم كاويـــــه

مست وقالت قــوم هيا بعيـــــــــــدي ***** نبعد عن الحساد وهل المـــــــكيــــــــــدي

نسهر سوى واحصل على ما تريدي ***** أنت وأنا ما عندنا شــــــــــيء نخفيـــــــه

وعلى بساط الحب ربــــــــي يجمعنا ***** محدٍ درى عنــــــا ولـــحـــــــــد سمعنـــــا

في ليلة فيهـــــــا تزايـــــد ولعنــــــا ***** وأمسى يهنينـــــــي وأنـا أمسيـــــت أهنيه

وقبل المعانق قمــــت أنـا من منامي ***** حيث الأذان أذن وربعـــــــــــــي نيـــــامي

ولين كل اللي رويتـــــه حــــــــلامي ***** قمت أتوضأ والحق الفــــــــــرض أصليه

ويارب حقق حلم فالنــوم جانــــــــي ***** واكتب لنا يــــــارب ما هو فـــــــــي بالي

حيث إن كل اللي طلبتـه حلالــــــــي ***** عبدك طلبـــــــك وما كتبته يمشيـــــــــــه

وإعداد من صلى وزكـى وصامــــي ***** وإعداد من لبـــــــى وجاء لمقامـــــــــــي

صلوا على المختار سيـد الأنامــــي ***** شفيعنا في يـــــــوم والكـــــــل ناصيــــــه