ابو عـــــــــــــادل...

مسائكم مكلل بالورد والرياحين والعطر الفواح

لأرق اعضاء هذا الصرح الشامخ اقدم لكم هذه القصيده على امل ان تنال اعجابكم ....

[poem=font="hasan,5,darkred,normal,normal" bkcolor="transparent" bkimage="http://www.hothle.com/vb/mwaextraedit4/backgrounds/194.gif" border="none,4," type=1 line=1 align=center use=ex num="0,black""]
يا موطن التاريخ والعز مبناك=يا منبع الامجاد والفخر والطيب
تزهى حروف الشعر معنى وتلقاك=يلي على الديره عسفت المراكيب
مثل السحايب والمطر لا عدمناك=في ظل ابوعادل رقيناالمصاعيب
من شفت زولك والغلا في محياك=من بسمتك تحي وجيهٍ مشاحيب
ما ودي الا امد كفي بيمناك=وفضفض ابيات الشعر والتراحيب
لا نك سنام العز والعز يفداك=تثبت علومك في ضروف المكاتيب
ترقا على القمه ولا حد تعداك=ما تسكن الا فوق روس المراقيب
تفزع ليا شفت المخاليق تنصاك=تسرح ركابك في سموم اللواهيب
تعطي ولا تبخل ابد كل من جاك=يمناك بيضا في الكرم والمواجيب
خدرك مثل قصرٍ بلا باب صكاك=وبيت الكريم يفوح بالعود والطيب
يا جعل عينٍ ما تمنى بلقياك=تعمى وتبلا بالبلا والعذاريب
يا جعل من تدعيه ما قال لك هاك=تقصر مشاويره مثل نابت الشيب
اما انا لبي لمثلك وشرواك=لو تزهم اسمي كان لبيت يالذيب
بين الضلوع العوج بحرك ومرساك=ولا يعرف بقدرك سوا عالم الغيب
تسلم يمين اللي على العز رباك=انا اشهد ان ظنه ابد فيك مايخيب
والله ولو شعري بيوصف مزاياك=اني لرتب كل الابيات ترتيب
وسرج خيول الشعر من شف معناك=وتفز لك كل المشاريه وتهيب
لكن بحر الشعر طشه وسط ماك=وحضرة جنابك فوق كل المكاتيب
ادعي من الله يا عسى يسدد خطاك=ويرعاك من عين الحسود الملاهيب
يا بن الكريم يزين قافي بطرياك=وسطرت لك ابيات شعري تراحيب[/poem]