جريدة عكاظ تنشر قصيدة الشاعر المبدع جميل المطرفي الهذلي .....

• الرئيسية
• محليات
• كتاب ومقالات
• اقتصاد
• المشهد الثقافي
• العالم
• سوق عكاظ
• رياضة
• حوادث
• الأخيرة
• 

الصفحة الرئيسة
المشهد الثقافي


الرموز المبهمات

جميل المطرفي




يلي نهبـت القلـب منـي غصيبـه
واصبح رهينه وانت ماخذت تقريـر
القلب فـي يدينـك ولاتعتنـي بـه
وتصـد وتكابـر وتعطـي معاذيـر
فك الرمـوز المبهمـات العجيبـه
خلك شجيع وفسـر العلـم تفسيـر
ان كان عندك شخص روح اهتني به
روح وتهن ولاحصل منـك تقصيـر
وان كان شايفني كبير(ن) وشيببـه
شيبي تراه مـن البنـات الغناديـر
ما هو كبر والكبـر ماهـو مصيبـه
العمر تـوه ياعسـى خيـر ياطيـر
انا سهـوم الحـب فينـي عطيبـه
تمكنت مني وانـا دوبـي صغيـر
باسبابهـا عايـش بدنيـا غريبـه
ورجلي متعبهـا بكثـر المشاويـر
اسري واروح بليل ما ينسـري بـه
واصل مواصيل الرجـال المناعيـر
ولي مع اهل العرف كلمـه وهيبـه
وفالمجلس المربوع حشمه وتقديـر
وليا رميت ارمي واصيب الضريبـه
وقسمي من اخيار القسوم المشاهير
وامـوت وانـا مارضيـت الغليبـه
ولاحنيت الراس لـو راسـي يطيـر
عريب جد وساس وانتـي عريبـه
احكم وسرك يا ادعج العين في بيـر
لاعاد تجلـس بيـن شك (ن) وريبـه
ما هو بعيب تحـرر العلـم تحريـر
لكن قبـل اتـروح قلبـي تجيبـه
جيبه وانا ليه مـع القلـب تدبيـر
مادام ماعندك هـوا وش تبـي بـه
رده محلـه واتـركـه للمقـاديـر
يمكن بعد جرحـك يحصـل طبيبـه
وتصفاله الايام ويعيش فـي خيـر










ادخل هنا عن طريق الرابط :

http://www.okaz.com.sa/new/Issues/20...0526352464.htm




وصح لسان الشاعر القدير جميل المطرفي الهذلي

وهو من الشعراء الذين صارو محط انظار الصحف والمجلات والقنوات الادبيه

لأنه يغني في عتمة الجرح قنديل الكلام العذب

واللغه الرقراقه والشعور النابض بالجمال

ونشكره على هالابداع في هذا النص المتجاوز في الشعر