الى أ خي العزيز ابو ملاذ==حسب طلبه

أبو ملاذ أعتزابي امس == يقول مالك عذر مني

وش قلت فالبايسون والببس == معذرك لازم تعلمني

قلت اعرف اهل الفروض الخمس == وشرواك منهم حسب ضني

والبن الاشقرنحمسه حمس == ويحط فالنجر ويدني

والهيل لافاح يجلى العمس == وريح العويدي ليا بني

ودلال رسلان صنع الفرس == والا في بغداد صنعني

وخوة مشبب وموتر جمس == تجلى هموم السفر عني

نمسي خلا مانشوف الرمس == وهمال رعاده يدني

في روض يثر عليه اللمس == نزاله يعيش متهني

ناخذ شهر مانشوف الشمس == ونبدع من الراس ونغني

والطير له من غنانا حس == مثل الجرس صوته يرني

والارض لبست جديد اللبس == واغصان الاشجار مالني

هذي حلات الحياه وبس == تطري على القلب ويحني

ومن التجارب حفضنا درس == من شخص في مختبر فني

لوتزعل البايسون والببس == ماهي كما الهيل والبني

0000000000000000000000000000000000000000000000

وياصحابنا سامحونا000 وسلامتكم000 والكلام جديد واعذرونا اذا فيه ملاحظات