ابن فطيس والشايب

كيف الجميــع إن شاءالله بخيــر






حبيت انقل لكم جديد أبن فطيس
بعد ماراح للمقبرهـ وطلع له شآيب له 200 سنه متوفي وكآن بيرجع للدنيا
وسأل الشاعر عن حآل الدنيا وجآوبه ابن فطيس عن زمانا ومافيه
فـ قرر الشايب يرجع لقبرهـ ويقول .. لآيمكن أعيش في زمآن كـ هذا الزمآنوش قآل الشايب وش رد عليه ابن فطيس
بـ هالقصيده
وأتمنى تحوز على رضآكم بما نقلته لكم



القصيده


\


\


\




يالله وانـا طالبك تـغـفــر لـي ذنـوبـي يـا غـفـور




ارجيـك والجـأ لـك وانـا سالـك واعـيـد المسألـه



لو ما تطهرنـي بـ عـفـوك مـا تطهـرنـي الـبحـور


جـيـتـك و ذنـبـي قـد تـعــلاّ غـاربـي يـا مـثـقلـه



أنا من الطين إنخلقت , أخطـي ولانيـب معـذور


قامت علي الحجّـه بـ دعـوة رسلـك المـرسلـه



مـؤمـن بـ تـوراتـك و إنجيلـك و مـؤمـن بـ الـزبـور


و بـ سـنّــة مـحـمــد و آيـــات الكـتــاب المُنـزلـه



لكـن , خُدعت بـ زخـرف الدنـيـا وزادتنـي غــرور


أبـدت مفـاتـنـهـا و ورتـنـي مـن الـعـمــر اجملـه



طبعاً بما إنـي بنـي آدم [ حصـل منّـي قصـور ]


وأذنـبـت يـا مـولاي ذنــبٍ بـ الـخـفـا مـا تجـهـلـه



أسألك تـغـفـر لي و تستـر موقفـي يــوم النشـور


اليا القفـت خـلـقـك صحايفهـا وهـي مستذهلـه



من يستلمها بـ الشمال افلس وهـو يدعـو ثـبـور


ومـن يستلمها بـ اليميـن افلـح لـ خـيــر المنـزلـه



وأسـألـك يا ربـي تـعــاونّـي علـى نـيــل الأجــور


أحيـا حيـاةٍ مكسبـي فيهـا مـن الـبـــر .. افضلـه



وأسـألـك جـاهٍ مع هـل الـدنـيـا وحـظٍ مـا يـبـــور


أيـضـاً و عـرفٍ مـع هـل الحـكـمــه و رزقٍ تكفلـه



من لا تهيّـا لـه مـقـامٍ مـع طـويـلـيـن الشـبــور


يبكي على ما ضـاع من عمـره وخيبـات عملـه



وان شاب راسه لا تـرجّى فيـه تجبيــر الكسـور


لا خـيــر فـي تـالـي زمـانٍ .. مـا تغـانـمـت اوّلـه



ومـانـيـب نـاسي قـصـةٍ صـارت وانـا ازور القبـور


لازلـت افـكـِّــر فـي غـرابـتـهـا و بـالـي تـشغـلـه



ساعة ظهـر لي شايبٍ له حول قرنيـن محجـور


في جـوف قـبـرٍ عن هـل الدنيـا طـواه و يـعــزلـه



سلّم وجا صوبي يقول : ابنشـدك ياللـي تــزور


عن حالة الدنيـا وعن وضـع الـزمـان وعـن هلـه



أنا مـضـى وقـتـي ومـرّت بـي طويـلات الدهــور


والباقـي بـ عـمــري بعيشـه بينكـم واستكملـه



قلت : الزمـان اللي يـبـارينا علـى خُـبـرك يـدور


الوقت نفسـه مـا تـغـيّـر .. ماشـيٍ فـي جدولـه



أما الـبشـر [ لا والله الاّ غـيــر من حـد الجـذور ]


صــار إنـتـقــالٍ مـن يميـن إلـى يسـار المنقلـه



إستغـرب الشايب من اللي قلـت وبليّـا شعــور


حط اليمين اعلى الشمال وخاطـره فيـه اسئلـه



قال : أفتني عن حالة الشيبان والشيـخ الوقـور


أهـل الخـبـر و الـراي و الحكمـه و ضـرب الأمثلـه



القـدوه أصحـاب الأمــور اللي تطـاع بـ كـل شـور


اللـي يـفـضّـون الـنــزاع و يـحـكمـون الـمـشكلـه



قلت : البعض منهم على ما قلت في وصفك وقور


قـدوه و لكـن رايـهـم ... مـا يـنـفـرض فـي مسألـه



الطـاعـه الـعـمـيـا بـقـى منهـا مجاملـة الحضــور


اللـي تـلاقـيـهــا مـع أوّل فــرصــةٍ ... مـتـنـصّـلــه



والـبـعـض لا عـبـدٍ يـخــاف الله ولا عـبـدٍ شـكـــور


لا زهّــده شيـبـه مـن الـدنـيــا .. ولا هـو جـمّـلـه



بـهـيـمــةٍ يــرجـع علـى مـنـحـاه الأوّل و محصـور


فـي لـعــب بـيـلوتـه و ريــح زقـارتــه و مـعـسّلـه



والبعض الآخر شابت رموشه على درب الفجـور


يـنـقل جـوازه لـ السفـر .. مـن مـزبلـه لا مـزبلـه



أشيمـطٍ زانـي قضـا عـُمــره بـ حـانــات الـخمــور


والـعـايـلـه .. ورعٍ يــغـــرّر بــه و بـنــت مـهـمّـلــه



قـال : أفتني عن حـالـة الخفـرات ربّـات الخـدور


اللي تـصــان بـ بيـت عـايـلـهــا و بــابــه تـقفلـه



شيهـانـةٍ تشمـخ عـفـاف وتصقـل فـروخ الصقـور


بين الفـريـق بـ بشتهـا الضـافـي وثـوبٍ تسبلـه



قلت : الـعــذارى فـي زمـنّـا بـبـغــاوات الطـيــور


تقليـد هــرج و عرض ريــشٍ خلفهـا تستخملـه



تلبـس عـبـاةٍ ضيّقـت حـول الـردايـف و الخصـور




فضيحـةٍ تـكشف جسدها مـن علـوّه لـ أسفلـه





وموضة شيالٍ تكشف الوجنات وألـوان الشعـور


والـمـحــرم تـبــدّل بـ جـــوالٍ بـيــدهـا تـحـمـلـه



لا فـوّحـت صفـر الدلال ولا عـرفـت غـش القـدور


تـطـبـــخ لـهـا خـدّامــةٍ .. بـ الـعــايـلـه مـتـوكـلـه



الأم ما صـانـت عفـاف البنت من عـمــر الزهــور


والأب ديّـــوثٍ تحكـمـه [ حــرمــةٍ مستــرجـلـه ]



وشلـون يـتــربّـى عـيــال أُم الـتـبــرّج و السفـور


إلاّ خـنــازيــرٍ دمــاهــا .. [ بــــارده و مـغـفّـلــه ]



قال : افتني بـحـال الشباب الصلب صيّـاد النمـور


الـفـارس اللـي يـنـطـح خـصـومـه بـ زنــدٍ يفـتـلـه



الوافي الشهم الغيور اللي لـ عـرض الجـار سـور


الـبـار عـنـد امّـه و ابـوه .. و علـم ربـعــه يشغلـه



قلت : الشباب بـ وقتنـا وجهـه مثـل بــدر الـبـدور


والجسم من [ زود الرخا ] ما تنفتـل فيـه عضلـه



قـصّـــة شـعــــورٍ صـيّــرتـهـم لا إنـــاث ولا ذكـــور


والـثـــوب راح ولا بــقــى الاّ عـالـمٍ مـتـبـنـطـلــه



نـاسٍ ( فلنتينو ) و نـاسٍ تلبـس ( كرستانديـور )


صـار التنافـس بينهـم , فـي لبسهـم و الجنتلـه



من كان يـشـرب من قـرار البيـر مشروبه ( بيور )


والـبـل راعيهـا غـدا يشـرب حليـب ( النستلـه )



مامنهـم اللي قـام دون اعــراض جـيــرانـه غـيــور


من قام قالوا : وش ملقّف حضرته ؟ وش دخّله ؟!



والوالدين حقوقهم ضــاعــت و عنهـم فـي نـفــور


إن غـــاب عـنهـم .. لا تـذكــرهـم ولا جـــاه الـولـه



بـدّا عليهم شلّـةٍ تـهـوى الـوطــا بـيـن الـجـحـــور


لو تـعــزلـه عنهم تـبـي لـه شــان كـنّـك تـقـتـلـه



ما راح يــوم يـشـارك ربــوعـه بـ حــزن ولا ســرور


حتى ابن عمّـه يـعـرفـه بـ الوجـه واسمـه يجهلـه



بــدّل حـكــاه و ضـيّــع سلـومـه و حالـه فـي دبــور


وان شاف ضيـف يـخش حتى انّـه يـفـارق مـنـزلـه



نـاظـر لي الشايـب بـ عيـنٍ تجمـع السبع البحـور


يـقـول : أنـا لا يـمـكـن إدخـل مجتمعكـم و أقـبـلـه



أنـتـوا لكم وقــتٍ تـصـــدّع مـن بــلاويــه الـصـخـــور


مـا يـقعــد الجمّــال بـه سـاعـه ولـو ضــاع جـمـلـه






/


محمد بن فطيس المـرّي