سكران من شوقه لها وده يفوق

عشق(ن) وعاشق تعشقه عين معشوق
و فرقا فراق(ن) انتهى منه الإفراق

تبوق منه قلب ما كان مبيوق
و من باقته غنّى فرح لنه إنباق

مشتاق ساقه عشقه لمتعة الشوق
و أشقاه لكن أدمن يصير مشتاق

سكران من شوقه لها وده يفوق
و إن فاق يكره يوم به عنّها فاق

الله رزقه بنعمة الشم و الذوق
يشمها نسرين وسكّـر إذا ذاق

منها الحسن لين أقبلت صار منطوق
ولين أدبرت فيه الحـزن أعلن إنطاق

كن العذاب إذا أبعدت طوّق بطوق
طوّق عليه بحمل ماهوب منطاق

بين المفارق و التلاقـــي به فروق
موت و حياة(ن) دامها بين عشاق



,
,
,

بقلمي


الشيناني