الرد على الشاعر : علي بن ماطر الفضلي الهذلي

السلام عليكم ورحمة الله وبركاته

هذه القصيدة رداً على الشاعر : على بن ماطر الفضلي الهذلي
http://www.hothle.com/vb/showthread.php?t=41606




[poem=font=",6,,normal,normal" bkcolor="transparent" bkimage="" border="outset,5," type=0 line=0 align=center use=ex num="0,black""]
هلا يامرحبا باهل الفنون وصاحب الابداع=تحية من على سطح القمر ماهي من القاعي
وراعي الطيب مايجني الردية من قصير ذراع=وراعي الخبث خبثه شافه المشّاي والساعي
هذا عصر التقدم جابه التلفاز والمذياع=فعصر العولمه يبغى يجيك أشكال وانواعي
وانا حدد مساري في طريقي واحسب المرجاع=لو ان البعض يحسب غلطة الراقد كما الواعي
عرفنا العلم ونساير جزيل المد والمنّاع=لكن اللقمة اللي ماتسمّن مالها داعي
سقيم الجسم زادت علته في وقته اللي ضاع=على كل الدروب ولاشرى فيها ولاباعي
يبي كل العلوم ولاصفاله جمّه النباع=رمابه في السراب اللي يضيع هقوة الساعي
ومن يطمع فـ شيئا مايطوله ضيع الاسناع=تعب واتعب ركابه والرعية تتبع الراعي
صحيح الدين واضح والنتيجة صح بالاجماع=ومن يتبع محمد في طريق الخير ماضاعي
تعلمنا الكثير ومركب الرحلة بدون اشراع=ومرسول القدر مايمّنع يعلم به الناعي
مقادير المنايا ياعلي في زهبة المدفاع=على راس الهدف لو الدروب اعراض ووساعي
فخير وعافية بس القرايب سيفها قطاع=خطاويهم صحيحة والقريب اخماس وارباعي
مشينا واهتدينا والطريق المختلف لسّاع=وحاسب خطوتي وخايف طريقي يخلف اوضاعي
لو الطرقة طويلة يلتقي الشاري مع البياع=على درب الرحيل اللي زهابه يقرع اقراعي
وصلى الله على اللي عاصمه ربه عن الادناع=رسول الله محمد مامشى في درب الادناعي [/poem]


عابد بن عايد الفضلي الهذلي