كيف يجب ان نكون

مجالسيات الشيناني

سلام متعافي مأدب وطربان
مبسوط ويغني على كل الالحان
من هاجس سامع وشايف بالاعيان
هاجس على الواقع يبني معانيه

هاجس خلوق ويبتسم حزة الضيق
سوا سوا عنده جميع المخاليق
حتى الفقير اشبه براعي التفاريق
هاجس نظيف ويعجب الي سمع فيه

ياهاجسي لاعاد تشره علينا
حنا البشر متنوع الطبع فينا
لكن غني وارشد المسلمينا
وصفي الهمج واعدل عوج لاتخلية

ياهاجسي مالك على الناس جبري
انكر وفكر زين واحذر تهذري
الناس تجرح لاكن الطب يبري
وخلك طبيب الجرح وابريه

واحذر تدارج نيتك وانت رجال
مع نيت الاحمق ونيات الانذال
خلي يدك عليا على كل الاحوال
من دارج الاجرب يعله ويعديه

خلك على وضح النقاء في سبولك
مثل الجمل وان كان ثقلت حمولك
لاتسمع الواشي ترى ماينولك
غير الوشاية مثل ماكان يوشيه

واحذر تخاوي راعي الزهق والجور
عصفورة الوادي تغني لعصفور
ترى الدهور تدور والكلب عالسور
ينبح وصوته مايفقع اذانيه

واحذر من الجاهل دروبه حفيرة
ترى يثير ويندرق في الغبيرة
وتشب واذنك في شموس الظهيرة
لاظل تاوي به ولا ماء تساقيه

وعز نفسك وابن عمك وعانيك
واقمز كما قمز الرعد في مناشيك
تمطر رشاش وكل مخلوق يرجيك
يرجيك ياغيثٍ تهامل مناشيه

والجار جنبك لاتبعج جنوبك
وتنثر دماء كتفك ولا شي ينوبك
للجار حشمة شرع واحذر عيوبك
لاتبدي الشينه على الجار واحميه

خلك دفى جنب الرفاقة والارحام
ماتعتلق بندق بلا صفر وحزام
دولاب معروفك على كل الايام
بين البشر قلاب كلٍ يطريه

والضيف ضيف الله هلا مرحبابه
لاتخاف يامعسور تظرب حسابه
ماجابته رجله ترى الله جابه
كبشه معه والبن وانت تقهويه

مغير قابل واقبل الضيف بالكيف
تُقبل ولا يلحقك منقود في الضيف
واظرب رقاب البخل والشح بالسيف
ترى البخل زقوم تمشي نواميه

واحذر تورد هرجةً مالها ورود
والا تصدر هرج فاضي ومنقود
الدود لوانه صغير ترى دود
والجمر يحرق رجل منهو وطى فيه

وياهجسي رشدك دليلك مع الناس
لاتسمع لفتحي وتسمع لعباس
وان جاك فاسق بالنباء العلم ينقاس
قيس وتبين لاتظلي هفيه

واذاك ماتدري معا وين تعطي
غشيم متعافي وجاهل ومخطي
الصايد الماهر يركد ويبطي
لجل العجل في الصيد تهفي مراميه

بقلم الشاعر / ماجد بن دخيل الشيناني الزيداني الهذلي