(التفــاخر بالأنساب)

قال تعالى(إن أكرمكم عند الله أتقاكم)
قال صلى الله عليه وسلم(كلكم لآدم وآدم من تراب لا فضل لعربي على عجمي إلا بالتقوى)
هذه القصيدة للرد على المفتخرين بما نهى الله ورسوله عنه:
[poem=font=",7,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يا صاحبي ليش التفاخر بالأنساب=دام البشر في كل شيٍّ تشابه
حنّا لآدم والبشر كلها تراب=من يفتخر ناقص ولا أحدٍ درى به
لو كان أحد له حق يفخر بالأحساب=قريش تفخر بالنبي والصحابه
قبيلةٍ بلسانها أُنزِل كتاب=وبسمها سوره وعز ومهابه
منها الرسول الهاشمي فاتح الباب=شفيعنا في الحشر يوم الكآبه
وعمر وأبو بكر وعلي عزّ الأصحاب=وعثمان ذا النورين حافظ كتابه
ودولة بني أميّه صحابه وأقراب=للمصطفى وكلبوهم ذيابه
ودولة بني العبّاس الأخيار الأطياب=تاريخهم حافل وماله مشابه
لهم حرم ربي ومكة وماء طاب=حرم جعله الله أمن ومثابه
والمهدي اللي يهزم الروم الأصلاب=وكل الأمم تخضع وحكمه تهابه
هذا الفخر ما همني لوم وعتاب=واللي بيزعل ما حسبنا حسابه
[/poem]