مساجلة بيني وبين الشاعر عبد الله الطلحي

[ماطر السويدي]

هذة المساجلة تمت مع شاعر الحكمة الشاعر عبدالله الطلحي

وهي على بحر الزهم وكانت البدعة من عندي اقول .

يا صاحبي يا يابوناصر** لا تغلا علينا ويتكابر

الله يجيب الزمان الزين ولياك وارد وانا صادر
***
جبت القلم والمحابر** ساهر(ن) لين نور الصبح اذاكر
ابغيك تكتب معي الواجب واثر قمت تشق الدفاتر
***
الله على كل شيء قادر ** تبين الحقايق والسراير
واقوم اوديك شيخ القوم راعي القوادي والسواير
***
يلزمك بحق ظاهر** وانته ادرأ بعلم العرف خابر
والا طعنتك برمح ذياب بين الشواكل والخواصر

وهذا الرد من الشاعر عبد الله الطلحي

الله يعافيك ياماطر . زمانك رمابك في المخاطر
واشغلتنا عن صيام الست , من يوم صمنا وانت فاطر
.
مانا مغششك في الواجب, ولن ماتحله منت شاطر
...يزعل عليك المدرس , ثم تفتح يدينك للمساطر
.
وإن جيتُ في وعد شيخ القوم , ماعندي إلا هرج قاطر
أقول عيدتُ بالحري , وماطر معيد بالبرابر
.
أنصحك لاتبعث المدفون , خل الجنايز في المقابر
مادام مافي يدينك حاجه , إصبر كما ماكنت صابر
.



ماطر السويدي :
أخذت ذنب اللذي يبكي دموعه يهلهلها عباير
يشكي على عسكر البارود ومطير حمران النواظر

...***

ويش اللي حدك على الفتنة تحزم معك كبسون صافر
ترمي بروحك في حلق القوم بين الجنابي والخناجر



***
آمر عليكم عقيد القوم لا جي سياسي في الجزاير
تقعد سنة عن بلادك ما تجينا السعودية مهاجر



***
احرمتكم من صيام الست وانته على المغرب مسافر
تبغي تصوم الثلاث البيض تالي الشهر في اليوم الآخر


وهذا رد الشاعر عبدالله الطلحي :

منهو الذي يشتكي مني ويبكي ودمعه في المحاجر
هو من قرابتك وإلا جار والجار يعرف من يجاور

,,,
...
وإلا موكلك في الدعوة وقدمك من دونه تحاور
مايدري إنك قليل المعرفه لاتشير ولا تشاور

,,,

أنا مقري ديار هذيل كابر مورثها لكابر
وانته سويدي ومن ديره تسب النبي فوق المنابر

,,,

ياماطر انته ذبحك الجوع عندي خبر والجوع كافر
والظاهر إن الجماعه دلهو لك بعيشه وانت شابر


ماطر السويدي :
هذا رفيقك خويك وانته هارب عن الصايب تناور
وهو في سد الثلاث البيض ابحكم عليك بحكم جاير



...***
وانا وكيل(ن) محامي حسب ما في المذاهب والدواير
ابا خذ الحق له مطبوق بالطيب والأ وانته صاغر




***
عبد الله هذي السنة عاصي يعٌلم بذبه ويجاهر
وغير العلم بغيره يجيني بعلم اهل الحواير



***
عندي شهود اللزامة لنجحد دعوتي بالفعل ناكر
يشهد عليه اللي قله روح وارجع عليه صبح باكر.

وهذا رد الشاعر عبدالله الطلحي :
ياماطر انته تحلّم منت صاحي ولاعندك مصادر
حتى الذي في يدينك منت حاكم عليه ولاانت قادر

.
...
عز الله إنك محامي مير حظك ردي والحال وادر
ارفعك واشجعك وابغيك ترقا السنايد وانت حادر

.

أستاهل اللي عطيتك وجه تزهم وانا جيتك مبادر
وإن قلتُ هذا وما سواه قالوا العرب ربوة بنادر

.

ورد شهودك على العراف وإحضر وكيلك لايغادر
لو يسمعونك شيوخ هذيل ماتصبح إلا وانت نادر

ماطر السويدي :
احضر شهودي نهار الوعد واعطي على الموعد بشاير
والا وكيلي انا نايب اوقع عنه كل المحاضر



...***
سببت له ضغط و(ي)سكر وذلحين مختل المشاعر
لا كن تبغي تحاسب يا بو ناصر على كل الضراير



***
معي تقارير طبية وتشهد بها كل الدكاتر
تقول هذا السبب من ضرب شامان رويعي الاباعر



***
وهذة قسمة مع المكتوب يوم انت جيت الصبح غاير
عساها تردعك عن درب الخطأ عند ما ذقت الخساير


الشاعر عبدالله الطلحي :
مادام هذي علومك منت راعي قصيد ولاانت شاعر
طبيت لك في قضيه خاسره والذي وكلك ماعر

.
...
ورطك مع شاعر الحكمه وحملك حمل وجيت داعر
منته بقادر تماشيني ذبحك الحفا والدرب واعر

.

ماقبلك إلا الجبال الصم يابو مشاكل لاتغامر
قدام تغدي عشى للذيب يلزمك مابين العراعر

.

إن طعتني عوذ الشيطان واترك سواليف الدواعر
لو يسمعون المشايخ عنك ردوك من دون المشاعر