حداية بني عمير من هذيل عند معبد من حرب . . .

السلام عليكم ورحمة الله تعالى وبركاته
أسعد الله جميع أوقاتكم بالخير والعافية والمسرات
هذه الحدايه مرسولة لي من زميلي أبو خليف الحرشني المعبدي
زوماله هذيل وردها من الحروب
ارجو ان تنال على رضاكم

سلام سامي من سمو هذيل عالي المستوى

حشمه لأبو مازن نسابق به ذعاذيع الهوى

رديه منا كما ذوب العسل زاد ودوى

عداد ما يكتب وما يقرأ من حروف الكتاب

أنشدك عن عشره وعشره وأربعه واربع سوى

كل (ن) على شكله يطيح ومن يروح ماضوى

ياكود في وقت الحساب وكشف ما فالمحتوى

واللي يقدم له عمل يلقاه في يوم الحساب

الرد

يامرحبا ترحيب حربي من قوة قوى

سواة عد الروى يروي وميراده روى

باللي مشى درب الوفا والطيب علمه ماغوى

الله يحييكم على التكميل والعلم الحزاب

حنا عرفنا اللغز يامن هو سأل مالك لوى

واللي نوى له علم يالعراف نعرف وش نوى

هذه الأصابع عدها معروف واضح ما لتوى

ومعها الأذاني والعيون تكمل الحل الصواب