غصنٍ تعود يحتضن ياسمينة

الشمس غابت عن نهار المدينة
و الفجر كنه ما عرف لحظة إشراق


والشارع اللي خوته مع ونينه
وزحامه المعتاد وأصوات الأبواق


خلف الغياب وبأرض ذيك الجنينة
مكان لقيانا قبل تعلن فراق


وذاك الظلام وهجعته في السكينة
اللي غشته وصار ما عاد ينطاق


غصن(ن) بهذا الوقت كل(ن) يدينه
أصله جذور(ن) ثابته وسط الأعماق


غصن(ن) تعود يحتضن ياسمينة
لكنها غابت لها اليوم مشتاق


مشتاق واللي زاد بلته طينه
غابت ولا خلت مع الغصن الأوراق


كل من رآه وشاف زايد حنينه
من كثر همه يحسب الغصن ذا ساق


غصنك عمت عينه ولا تشوف عينه
كن البحر من غيبتك وسطها ضاق


غصنك ضناه الشوق لو تذكرينه
لا تحرمينه دام من رقتك ذاق


هاتي يمينك باللقا وذي يمينه
تحن لعناق(ن) ولا مثله اعناق



,
,
,


بقلمي


الشيناني