محاوره بين سامي الهذلي و مبارك الحتيرشي( الشبح )او

[align=center]محاوره بين سامي الهذلي و
مبارك الحتيرشي( الشبح )او
{ الشبح }
الليله البراق يبرق واله رفراف
يبرق على ديرة بعيدين المسافه
=
ياليتني وسط الحرم واشوف من طاف
واحب بيت الله ومن هو جاه طافه
{ سامي }
ياصاحبي من دون ذاك الدار وقاف
خابرك ماتدنى الحكي واهل اللقافه
=
اليا مشيت الدرب قدم ولا رجع إخلاف
وانته مقفي ماعلى المقفي حسافه
{ الشبح }
الله يجمل حالكم ياقوم صياف
احدآ حضر واحدآ مقفي محد شافه
=
ياكبر شرهتنا على مضحي وعساف
اللي يعرفون الشداد من الردافه
{ سامي }
اهل الوفاء ياذيب ردو عنك منكاف
وانته تنسى فعلهم فيك الخفافه
=
دار الزمان وصرت يابوزيد صحاف
والاسم فالتلفار واوراق الصحافه
{ الشبح }
عز الله اني كنت احب الناس الاشراف
واليوم وين اهل الشرف واهل الشرافه
=
سامي يميل إمع الهوى مع كل مشراف
مدري غباوه منه والا جت حرافه
{ سامي }
الحمد لله كلبونا قوم
عراف
واليا مشيانا الدرب نمشي مانخافه
=
سامي يكمل فاللزوم ثيابه أنظاف
ماعمر جاء من يم ابوسعد ضعافه
{ الشبح }
العام ناسي يوم انا رديت الاسلاف
تعرف مبارك ريس وراعي خلافه
=
الله عوضنا على وافي ونواف
واللي حضر من ربعنا قلنا برافه
{ سامي }
انته في وسط البنك يارجال صراف
واللي في جوف البنك ملزم بالصرافه
=
من دونهم ياصاحبي تسري بكشاف
واللي يغر العلم جبناله كتافه
&&&&&&
انتهت المحاوره،،،،،،[/align]