يا راهي الشوق

[poem=font=",6,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يا راهي الشوق طول البعد زوّد غـلاك=معادلة حـب يعرفهـا طريـح الهـوى
استوحش الجرح نزفك يا بحر في عطاك=يا مستثير الحشا يا راقي المستوى
من ذاق حسرة صباحك ما يفارق مساك=قلبٍ يقاسي شعوره ون ضمي ما رتوى
بعدك طواني وخلاني مسامر وفاك = اجاذب الونه بصدري وادور دوى
لفراقك المر وغيابك ورجوى لقاك = ونا فوادي من احلام الرجوع انكوى
أحيان أحس المسافه تحتضر في خطاك =متثاقل المشي يمي والطريق التوى
وأحيان لا والله الا القلب يشفق علاك = من كثر ما أطريك لين الفكر معك انزوى
أعطيني احساس وابشر من يطّلع خفاك =اسمع للاضلاع من صدك بصدري عوى
أتذكرك يا رهيف الحلم واجري وراك = يهون درب المسافر كان فيك انطوى
لن ضاقت ارض المشاعر خلني في سماك = طيرٍ يعانق مواجيعك وحبك سوى
ارجع كفايه ترى الخاطر جفاك ونساك = لا لا تصدق تراني قلتها من خوى
ارجع فقدك المكان اللي من اول حواك = يسرح لك الشعر ون صديت مل وضوى
هذا شعوري في قلبي لا اعتراني غلاك = وليا رمع رجعتك قلت له مالك لوى
[/poem]