محاورة قوية بين العملاق عبدالله المطرفي والرااحل صياف الحربي يرحمه الله

صياف الحربي

سلام ردة شرف لأهل الحفل والعالم الحاضرين *** أخذت مواجيبها واللي بقي واجب معازيبها

واللي يبا الملعبه يقلط ويومي لي بيده اليمين *** والثانيه لو يملاها شحم لاعاد يوميبها

عبدالله المطرفي

يامرحبا في حلال تكسب المعروف دنيا ودين *** وضيوفها لاقيه قومن على الحروه تحييبها

عطني يمينك وخذ يمناي والطيب يمد السمين *** واللي يحب السمينه منك ياصياف يرهيبها

صياف الحربي

أنته علامك ياعبدالله تحداني وانا أطلبك دين *** من ذيك الأيام أدور للبضاعه وانت مقفيبها

ياكم مره حرفت السالفه قبل البواين تبين *** واللفلفه محد يرضاها وانا مانيب راضيبها

عبدالله المطرفي

الكيله اللي يدورها عطيته قيسها مرتين *** من لاحفظ غير سوره واحده يبغى يصليبها

أنا مثبت علومي وأنت هات لدعوتك شاهدين *** والحكمه اللي حكمها راعي المعروف راضيبها

صياف الحربي

قامت تعاوى سباع الليل وانت وين والناس وين *** والسوره اللي حفظت اليا وصلك الليل ترضيبها

الله يحييك والقاضي ترى بابه على مصرعين *** ون كان ماثبتها ماعاد اوديها ولا اجيبها

عبدالله المطرفي

إن كان بانت عليك الشمس يمكن كل خافي يبين *** واللي معه بندقن فيها خلل لاعاد يرميبها

تراك تزعل ليا قلت لك منته ذيب يابو الحصين *** الذيب ياخذ مطاليبه مع الظلما ويسريبها

صياف الحربي

من عصر تطحن رحاك ولا بعد شفنا غبار الطحين *** نسمع بصوت الرحى لكن مدري وش تسويبها