حب التغلي

مساء الخير

متواضع كتبت للتواصل فقط

الغيبه .. اللي مالها اية اسباب
انا اعتقد من باب ( حب التغلي )

كأنك تغلى ..انت ياسيد الاحباب
غالي عليٌ .. من دون.. غيبه.. ياخلي

وكأنك تعاني .. جيت مرخص لك رقاب
بس انت برر .. هـ الجفا.. ليه ؟؟ قلي !!

تبغى اختصار الحال .. عندي لك كتاب
به كل ..تفاصيلي .. بدقي .. وجلي

وشلون عايش ؟؟ بعدك بلوم وعتاب !!!
وشلون حالي ؟؟ رايح ٍ به مولي !!

اخبار قلبي ؟؟ ينزف الجرح منصاب !!
اوصف حياتي ؟؟ وش اقول او اخلي !!

حزين \ متشائم \ وذابل \ ومرتاب
حاير \ مشتت \ والبعد زاد غلي !!

يمر نهاري .. جالس ٍ عند هـ الباب
اسألني عنك !! يابعد كل من لي !!

وبالليل اضوي شمع .. والشمع لاذاب
خفتك .. تتوه الدرب .. واشعلت كلي !!

تعال .. تكفى .. خاطري منك ماطاب
يانرجس .. بكادي .. ومخلوط فلي

اكبر مصيبه .. لاحكوا فيك الاقراب !!
واكبر قهر .. منهو يسبك .. يهلي !!

واكبر غبن .. منهو تعلق بالاهداب !!
لاطاح من عينك .. ولاله محلي !!

والا انت (فيني) .. والامل فيك ماخاب !!
ساري بدمي .. لو حصل ماحصلي !!

تعال .. عوٌد .. لعن ابوجده (غياااب )
دامك خفوقي .. وش تبي بـ التغلي !!!