خذهاعلى الذرعان

[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الله يعوضني وآنا طبعي صبور= في ألصحبه اللي خالي محرابها
عجف المنيحه لا غبوق ولابكور= وديوسها ماشبّعت حلابها
وبنت الدهر تلهث كما الكلب العقور= واللي غفل عنها يلوكه نابها
ضاق الفضاء الواسع على حوم الصقور= بعد تشابه ذيبها واذنابها
وان كان صّح الأرض بأهلها تدور=عز الله آن الخوف على أطنابها
ما ني مفتش فيك يا ضيق الصدور = خل السفينه تبّحر بركابها
والبندق اللي بالخطاء دايم تثور=هذيك لاتغزي ولا يغزا بها
ثارت ولجّ الصوت من بين الخدور=واهل الفكر ما غرها مظرابها
هاضت هجوسي من وقوفي بالقبور= وذكرت خلق مستجن ترابها
وصغت الحقايق كنها زبد النحور= والله يوفي كل نفس حسابها
وحمدت رب البيت بلسان الشكور = بعد نثرت الملح بين أهدابها
وهبّت علينا في الشتاء ريح الدبور=وشالت خشاش الأرض جوف جرابها
وهوج العواصف ريّمت عجف الدهور=وخلت يتامى العقل طايح بابها
خذها على الذرعان في حُرم الشهور= مثايل يصعُب عليك اعرابها
القاف خلّص واطلب الرب الغفور= غُبر الليالي ينكسر مشعابها[/poem]