ربّـــي شنبكي ( يابنت ) !!!؟؟؟

أغرب شيء رأيته في هذه الدنيا هي الدنيا نفسها ,,
والأغرب من ذلك أن الدنيا لاشيء فلماذا يسعى الإنسان لكي يكون شيء في الـــلاشيء !

مقدمه مأدري وش تبي لكن المهم أطرح بين أيدكم هذه العجوز الخرثه
وكلي أمل ان تحوز على رضاكم
.


.
.
.





أكتب ودمعـي فـوق الاوراق سكـاب
ياعيـن مايستاهلـك مــن سكبـكـي


لاطاحت (ا )دموعك على الحبر وإنساب
كن الورق يبكـي معـي يـوم ٍ أبكـي


من دمعتك ياعين حستـي لنـا كتـاب
بعض الورق من حْـر مابـه شربكـي


شيبـت ياعينـي و أنـا تونـي شـاب
ياليـت دمعـك مانـزل مـن جعبكـي


ياعيـن همـي لوبكيتـيـه مـاطـاب
ولوطاحت (ا)رموشك وشيـب هدبكـي


ويانـار قلبـي لوحشـى جوفنـا ذاب
الهـم باقـي لوضلـوعـي حطبـكـي


فوحك يخلـي دمـع الاجفـان صبـاب
وصابـر عشـان الله علينـا كتبـكـي


مابـرّدت فوحـك ملاقـات الاحبـاب
وراعيـك والله لــو درا ماقربـكـي


أرجوك خفـي يـوم راحـن الاسبـاب
مالـك لــزومٍ دام ولّــى سببـكـي


بنتٍ قمرها عـن سمـاء ليلنـا غـاب
قلنـا لهـا يابـنـت ردّي عربـكـي


صكـت سواتـك بيننـا كـل الابـواب
ياليتنـي أدري وش الـلـي قلبـكـي


ياليت كذبك كان مـع شخـص كـذاب
ماهـو مـع اللـي لحظـةٍ ماكذبكـي


أنتِ كذا.. ؟ وربعك عريقين الانسـاب
وشلون صرتي لـو هفابـك نسبكـي !


ويابنت والله لو علـى قطـع الارقـاب
ما صير خبـلٍ تحـت شـارة طلبكـي


أنـا عزيـزٍ مـا أبـي درب الاذنـاب
اللـي رويتيهـم خنـا مـن قربْـكـي


ويابنت لـأحرزتي طويليـن الأشنـاب
نحلـق شواربنـا وربــي شنبـكـي